حکومت کا رافیل سودے کو پاک وصاف کہنا ’مضحکہ خیز‘: کانگریس
نئی دہلی، 21جنوری(ایس او نیوز؍آئی این ایس انڈیا)کانگریس نے رافیل معاملے کو لے کر پیر کو نریندر مودی حکومت پر پھر نشانہ لگایا اور کہا کہ حکومت کی جانب سے اس طیارے سودے کو شفاف اور بچولیے کا کردار سے آزاد بتانا ’مضحکہ خیز‘ہے۔
پارٹی کے سینئر ترجمان آنند شرما نے وزیر دفاع کے ایک بیان کا حوالہ دیتے ہوئے الزام لگایا کہ اس پورے معاملے پر پردہ ڈالنے کے لئے وزارت دفاع کا غلط استعمال کیا گیا ہے۔ شرما نے کہاکہ اپوزیشن نے رافیل طیارے خرید کو لے کر بنیادی سوال اٹھائے ہیں۔ان سوالات میں قومی سلامتی سے سمجھوتہ، قومی مینوفیکچرنگ کی صلاحیت کو نقصان پہنچانے،ایچ اے ایل کو ٹیکنالوجی سے نظرانداز کرنے اور سرکاری خزانے کو ہڑپنے سے منسلک سوالات شامل ہیں۔
انہوں نے کہاکہ وزیر دفاع کی جانب سے اپوزیشن کے سوالوں کو کارپوریٹ لابنگ قرار دینا قابل اعتراض ہے۔یہ دیکھنا افسوسناک ہے کہ معاملے کو چھپانے کے لئے وزارت دفاع کا غلط استعمال کیا گیا اور وزیر دفاع اس چیز کا دفاع کرنے پر اتر آئی ہیں جس کا دفاع ہو ہی نہیں سکتا۔کانگریس کے سینئر لیڈر نے کہاکہ حکومت اور بی جے پی یہ دعوی مضحکہ خیز ہے کہ رافیل سودا شفاف ہے اور اس سے بچولیوں کو باہر رکھا گیا۔حقیقت یہ ہے کہ یہ ناقص تھا۔یہ ضرور تھا کہ کوئی بچولیا نہیں تھا، لیکن اس وقت کیا ہوگا جب وزیر اعظم جی خود کارپوریٹ دوستوں کی جانب سے قدم اٹھاتے ہوں۔انہوں نے سوال کیاکہ وزیر اعظم نے فرانس کے سابق صدر کے بیان کو ذاتی طور مسترد کیوں نہیں کیا؟ اس کا کوئی جواب ہے؟