نئی دہلی،17؍فروری (ایس او نیوز؍ایجنسی) پلوامہ دہشت گردانہ حملے میں شہید ہونے والوں کو نم آنکھوں سے الوداع کیا اور ان کی آخری رسوم، ان کے آبائی مقامات پر پورے سرکاری اعزاز کے ساتھ ادا کی گئیں۔ ملک نے شہیدوں کی آخری رسوم میں کئی مرکزی وزیروں، لیڈروں کے علاوہ زندگی کے ہر شعبے سے تعلق رکھنے والے لوگوں نے بڑی تعداد میں شرکت کی۔
اترپردیش میں بارہ شہیدوں کو ان کے آبائی مقامات پر پورے سرکاری اعزاز کے ساتھ الوداع کیا گیا۔
اتراکھنڈ کے دو جوانوں کی ہری دوار اور کھٹیما میں پورے سرکاری اعزاز کے ساتھ آخری رسوم ادا کی گئیں۔
پنجاب میں سی آر پی ایف کے چار شہیدوں کی پاکستان کے خلاف نعروں کے ساتھ ان کے آبائی گاؤں میں آخری رسوم ادا کی گئیں۔
بہار میں، سی آر پی ایف کے دو شہید جوانوں کی آخری رسوم ہفتہ کی شام فتوحا اور کہلگانو میں گنگا کے کنارے انجام دی گئیں۔
جھارکھنڈ میں سی آر پی ایف کے جوان وجے سورینگ کے جسد خاکی کو پورے سرکاری اعزاز اور ویدک منتروں کے ساتھ نذر آتش کردیا گیا۔
اوڈیشہ کے شہید ہونے والے دو جوانوں کو ان کے آبائی گاؤوں میں ہزاروں لوگوں نے نم آنکھوں سے الوداع کیا۔
کیرالہ میں سی آر پی ایف کے جوان وی وی وسنت کمار کی آخری رسوم میں مرکزی وزیر کے الفونس اور دیگر اہم شخصیات نے شرکت کی۔
تمل ناڈو میں سی آر پی ایف کے شہید ہوئے دو جوانوں کی ان کی آخری رسوم میں شرکت کرنے والے ہزاروں لوگوں میں مرکزی وزیرنرملا سیتا رمن بھی شامل تھیں۔