’غریب رتھ‘ اب امیر رتھ بننے والی ہے ، اپنے شوق پر لگام دیں
نئی دہلی:15/جولائی(ایس او نیوز/آئی این ایس انڈیا)عام آدمی کے لیے سستے رینٹل خصوصیت کے ساتھ شروع کی گئی ایئرکنڈیشن ٹرین غریب رتھ ایکسپریس کے ٹکٹ کے دام میں ہی بیڈرول کا دام جلد ہی شامل کیا جا سکتا ہے ۔ ریلوے ایک دہائی پہلے طے ہوئے بیڈرول کے 25 روپے کے رینٹل کو بھی بڑھانے پر غور کر رہا ہے جس سے کرایہ میں خاصی اضافہ ہو سکتا ہے۔ ریلوے کے ایک سینئر افسر نے اس کی اطلاع دی۔انہوں نے کہا کہ کپڑے کے دیکھ بھال کے اخراجات کا جائزہ لینے کے بعد دوسری ٹرینوں میں بھی لاگو کیا جاسکتا ہے۔ غریب رتھ ٹرینوں کی طرح دوسری ٹرینوں میں بھی بیڈرول کی قیمتوں میں ایک دہائی میں کوئی اضافہ نہیں ہوا ہے۔سی اے جی کے دفتر سے ایک نوٹ آنے کے بعد یہ خیال کیا جا رہا ہے۔ اس نوٹ میں پوچھا گیا تھا کہ غریب رتھ کے کرایہ پر نظرثانی کیوں نہیں کی گئی اور سفارش کی کہ بیڈرول کے اخراجات کو ٹرین کے کرایہ میں شامل کیا جائے۔