نئی دہلی،19 مارچ (ایس او نیوز؍آئی این ایس انڈیا) وزیر اعظم نریندر مودی کی طرف سے شروع کی گئی’میں بھی چوکیدار‘ مہم پر بہوجن سماج پارٹی (بی ایس پی) کی سربراہ مایاوتی نے منگل کو طنز کرتے ہوئے کہا کہ گزشتہ انتخابات میں چائے والا اور اب چوکیدار...، ملک واقعی بدل رہا ہے،بعد میں ایس پی صدر اکھلیش یادو نے بھی چوکیدار معاملے پر حکومت کی تنقید کی۔

مایاوتی نے آج ٹویٹ کیا کہ سادہ زندگی کے اعلی خیال کے برعکس شاہی اسٹائل میں رہنے والے جس شخص نے گزشتہ لوک سبھا انتخابات کے وقت ووٹ کی خاطر خود کو چائے والا بتا رہا تھا، وہ اب اس الیکشن میں ووٹ کے لئے ہی بڑی ہی بے شرمی اور شان کے ساتھ اپنے آپ کو چوکیدار اعلان کر رہا ہے،ملک واقعی بدل رہا ہے۔ادھر سماج وادی پارٹی صدر اکھلیش یادو نے چار ٹویٹ کر سوال پوچھے ہیں۔پہلے ٹویٹ میں کہا کہ وکاس پوچھ رہا ہے کہ کھاد کی بوری سے چوری روکنے کے لئے بھی کوئی چوکیدار ہے کیا؟ دوسرے میں لکھا ہے کہ وکاس پوچھ رہا ہے کہ عوام کے بینک اکاؤنٹ سے چوری چھپے جو پیسے لئے جا رہے ہیں، اس سے بچانے کے لئے کوئی چوکیدار ہے کیا؟ تیسرے ٹویٹ میں انہوں نے کہا کہ وکاس پوچھ رہا ہے کہ وزارت سے جہاز کی فائل چوری ہونے کے لئے ذمہ دار لاپرواہ چوکیدار کو سزا ملی کیا؟ چوتھے ٹویٹ میں کہا کہ وکاس پوچھ رہا ہے کہ اتر پردیش کے ٹھوکیدار زدہ عوام کے لئے راحت کا کوئی طریقہ ہے کیا؟ صوبہ کی عوام کو بی جے پی حکومت کے 2 سال کے بحران کے 100 سال لگ رہے ہیں۔سادہ زندگی اعلی خیال کے برعکس شاہی انداز میں رہنے والے جس شخص نے گزشتہ لوک سبھا انتخابات کے وقت ووٹ کی خاطر اپنے آپ کو چائے والا پروپیگنڈہ کیا تھا، وہ اب اس الیکشن میں ووٹ کے لئے ہی بڑی شان کے ساتھ اپنے آپ کو چوکیدار قرار دے رہے ہیں،ملک واقعی بدل رہا ہے؟ ۔