سیاسی اشتہارات پرسیاست اپوزیشن نے سرکاری خرچ کوبیکار بتایا۔ وزیراعلیٰ نے مودی کی ریلی پرسوال اٹھایا
بنگلورو،9؍فروری (ایس او نیوز) ریاست میں اسمبلی انتخابات بالکل قریب ہیں شہرمیں سیاسی اشتہاروں کی بھرمار ہے ، ریاستی حکومت نے خودتسلیم کیاکہ تشہیر کے لئے سرکاری اخراجات میں اضافہ ہواہے، ریاستی اسمبلی میں جنتادل سکیولر کے رکن رمیش بابو کودےئے گئے ایک تحریری جواب میں وزیراعلیٰ سدارامیا نے بتایاکہ ریاستی حکومت کی مختلف اسکیموں کی تشہیر کے لئے سال 2017-18کے دوران 123کروڑ روپے خرچ کئے گئے۔ سرکاری اخراجات میں یہ ایک نمایاں اضافہ ہے کیونکہ گزشتہ برس اس ضمن میں محض 13کروڑ روپے خرچ ہوئے تھے، اخراجات میں بے تحاشہ اضافے کااندازہ اس بات سے بھی لگایاجاسکتاہے کہ سال 2013-14کے دوران حکومت نے اپنی اسکیم مانس وانی اوریس سی ؍یس ٹی طبقے کے لئے قرض معافی کی تشہیر پرچار کروڑ روپے صرف کئے تھے جبکہ انہی اسکیم اوردوسری اسکیموں جیسے اندرا کینٹین ،میتری ، انل بھاگیہ ، اورتعلیم اسکیم کی تشہیر کے لئے سال2017-18میں 28کروڑ روپے خرچ کئے گئے، وزیراعلیٰ کی نوکرناٹکا نرماں یاترا کے لئے چار کروڑ روپے، یوم آئین ،سماجی انصاف اورپری نروانا یوم منانے کے لئے تقریباً 7کروڑ روپے خرچ کئے گئے۔ اتنی زیادہ مقدار میں سرکاری رقم کے استعمال کوبیکار بتانے والے، بھارتیہ جنتاپارٹی کے کارکن کونسل مہنتیش کوجواب دیتے ہوئے وزیراعلیٰ نے سوال کیا۔وزیراعظم مودی کی ریلیوں پر اوران کے بیرونی دوروں کے دوران غیر ملکوں میں مرکزی حکومت کی اسکیموں کی تشہیر کے لئے خرچ کی جانے والی سرکاری رقم کیابیکارنہیں ہے۔
