ایران - عراق زلزلہ میں ہلاک شدگان کی مودی نے کی تعزیت
نئی دہلی،13نومبر(ایس او نیوز؍ آئی این ایس انڈیا ) وزیر اعظم نریندر مودی نے ایران اور عراق میں زلزلے میں ہلاک ہونے والوں کی آج تعزیت کا اظہار کیا ۔ وزیر اعظم دفتر سے جاری بیان کے مطابق، مودی نے زلزلہ میں لوگوں کی موت پر غم کا اظہار کیا ہے۔ زلزلے سے ایران اور عراق کے کئی علاقے متاثر ہوئے ہیں۔وزیر اعظم نے کہا کہ ہلاک شدگان سے میری طرف سے تعزیت پیش ہے اس کے ساتھ ہی جنہوں نے ایران اور عراق کے کئی حصوں میں آنے والے زلزلہ سے متاثرہوئے ہیں اور اس میں زخمی ہوئے ہیں ان کی جلد صحت یابی کیلئے دعا گو ہوں ۔ قابل ذکر ہے کہ ایران۔عراق کی پہاڑی سرحد پر 7.3 کی شدت کے زلزلہ آنے سے 207 لوگوں کی موت ہو گئی اور 1700 افراد زخمی ہیں. زلزلے کی وجہ سے ہوئے بھاری نقصانات کی وجہ سے راحت رسانی میں دشواریاں پیش آرہی ہیں ۔