پی ایم ’ جملوں‘ اور جیٹلی بلاگنگ میں مصروف، معیشت تہس نہس: سیتا رام یچوری
نئی دہلی،22مارچ (ایس او نیوز؍آئی این ایس انڈیا) سی پی ایم کے جنرل سکریٹری سیتا رام یچوری نے معیشت کو بدحال بتاتے ہوئے کہا ہے کہ مودی حکومت نے پانچ سال میں معیشت کو تہس نہس کر دیا ہے۔یچوری نے جمعہ کو مودی حکومت کے چار لاکھ کروڑ روپے کے اخراجات اور قرض کو چھپانے سے متعلق میڈیا رپورٹس کا حوالہ دیتے ہوئے کہا کہ وزیر خزانہ بلاگ لکھنے میں اور وزیر اعظم مودی جملے بازی میں مصروف ہیں۔انہوں نے ٹویٹ کر کہاکہ وزیر خزانہ بلاگنگ میں مصروف رہے اور پی ایم جملے کسنے میں۔سچ تو یہ ہے کی بھارت کی معیشت گزشتہ پانچ سالوں میں پوری طرح سے تہس نہس ہوگئی ہے۔ جھوٹ اور دھوکہ بازی کا پلندہ ہے اس حکومت کا رپورٹ کارڈ جیسا کہ سی اے جی نے بھی کہا ہے۔یچوری نے معیشت کو نقصان پہنچانے والے مودی حکومت کے اہم فیصلوں میں نوٹ بندی کا ذکر کرتے ہوئے کہا کہ حکومت کا یہ فیصلہ کالے دھن کو’سفید‘ کرنے والا ثابت ہوا۔انہوں نے اس بارے میں ایک رپورٹ کا حوالہ دیتے ہوئے کہا کہ نوٹ بندی کے بعد نقد رقم کے چلنے میں 19 فیصد اضافہ ہوا ہے ریزرو بینک کے تمام مشاورت کو درکنار کر مودی کے ذریعہ نوٹ بندی کالے دھن کو سفید کرنے کا ذریعہ ثابت ہوا ہم سب جانتے ہیں کہ نوٹ بندی سے کس طرح لوگوں کی زندگی اور روزگار تباہ برباد ہوا۔اور اب کیش لیس معیشت کا دعوی بھی جملہ ہی ثابت ہوا۔