نا اہل سابق پاکستانی وزیراعظم پر فرد جرم عائد نہ کی جا سکی
اسلام آباد،13؍اکتوبر(ایس او نیوز؍آئی این ایس انڈیا)پاکستانی دارالحکومت اسلام آباد میں قائم ایک عدالت کے باہر ہونے والے مظاروں کی وجہ سے سابق وزیراعظم نواز شریف پر کرپشن الزامات کی فرد جرم عائد نہیں کی جا سکی۔ عدالت میں پیشی سے قبل نواز شریف کے حامیوں اور پولیس کے درمیان عدالت کے باہر جھڑپوں کا سلسلہ شروع ہو گیا تھا۔ آج عدالت میں نواز شریف کی بیٹی مریم نواز شریف اور داماد کیپٹن (ریٹائرڈ) محمد صفدر کو بھی لایا گیا۔ نواز شریف اپنی اہلیہ کی علالت کی وجہ سے عدالت میں پیش نہیں ہوئے۔ وہ اس وقت لندن میں ہیں۔ مقدمے کی اگلی سماعت انیس اکتوبر کو ہو گی۔