دہلی سے لوٹی گئی اولا کیب میرٹھ سے برآمد
میرٹھ ،14؍اکتوبر(ایس او نیوزآئی این ایس انڈیا) دہلی سے اولا کیب لوٹ کر بھاگے بدمعاشوں کا تصادم میرٹھ کے موانا علاقے میں صبح پولیس کے ساتھ ہوا جس میں ایک بدمعاش کے ہاتھ میں گولی لگی اور دو بدمعاشوں کو گرفتار کر لیا گیا۔ ساتھ ہی لوٹی گئی اولا کیب بھی برآمد کر لی گئی ہے ۔ایس پی دیہات (میرٹھ) راجیش کمار نے بتایا کہ دہلی پولیس نے صبح سات بجے اطلاع دی کہ دہلی میں اکشر دھام مندر کے سامنے سے ا ولا کیب لوٹ لی گئی ہے۔ اس کیب میں GPS ٹریکر لگا ہوا تھا. ٹریکر کے ذریعے گاڑی کالوکیشن موانا علاقے میں مل رہا ہے ۔ میرٹھ پولیس نے محاصرہ کرتے ہوئے مواناقلعہ پرشیکچھت گڑھ روڈ پر بدمعاشوں کو گھیر لیاجہاں پولیس کا بدمعاشوں سے تصادم ہوا۔ دونوں جانب سے کئی راؤنڈ گولیاں چلائی گئیں۔اسی درمیان ا ولا کیب سڑک کنارے پلٹ گئی۔ جس کے بعد پولیس نے دو بدمعاشوں کو پکڑ لیا، جبکہ تیسرا بھاگ نکلنے میں کامیاب ہوا ۔ پکڑے گئے بدمعاش کی شناخت عاطف رہائشی گاؤں سٹھلا (موانا) اور سنجے رہائشی محلہ کھچڑی پور ، تھانہ کلیان پوری (دہلی) ہے ۔ تصادم میں سنجے کے بائیں ہاتھ میں گولی لگی ہے۔ سنجے بنیادی طور پر مرادآباد کے شہید قصبے کا رہنے والا ہے۔ بدمعاشوں سے دو طمنچہ اور دو موبائل برآمد ہوا ہے ۔ ان بدمعاشوں نے آنند وہار سے دوارکا کے لئے ا ولا کیب بک کی تھی یہ کسٹمر بن کر گاڑی میں بیٹھے تھے۔ اکشر دھام مندر کے سامنے انہوں نے ا ولا کیب لوٹ لی تھی۔