نیتی آیوگ اور سی آئی آئی نے ایس ڈی جی سے متعلق شراکت داری کا آغاز کیا ، تجارت اور حکومتی شراکت میں تیزی لانے کی ضرورت ہے:راج کمارسنگھ
نئی دہلی:8/ اگست (ایس او نیوز/آئی این ایس انڈیا)مرکزی وزیر راج کمار سنگھ، وزیر مملکت (آزادانہ چارج)، بجلی اور جدید اور قابل تجدید توانائی، حکومت ہند،نے کہاہے کہ تجارت اور حکومت کو بھارت کی پائیدار ترقی کے لئے شراکت داری اختیار کرنی چاہئے۔ نیتی آیوگ ، کنفیڈریشن آف انڈین انڈسٹری اور یو این کے زیر اہتمام 8 اگست 2018 کو نئی دہلی میں منعقد گورنمنٹ اور بزنس پارٹنرشپ کنکلیو میں منعقد ایس ڈی جی سے متعلق نیتی آیوگ اور سی آئی آئی شراکت داری کے آغاز کے موقع پر خطاب کرتے ہوئے انہوں یہ بات کہی۔مرکزی وزیر نے کہا کہ پائیدار ترقی میں تین چیزیں بہت زیادہ اہمیت رکھتی ہیں اور وہ ہیں توانائی، پانی اور سرکلرمعیشت سبز صنعت۔ا پنے 2022ء کے ایجنڈاکی تکمیل کے لئے انہوں نے اس بات پر اعتماد کا اظہار کیا کہ بھارت 2022ء سے بہت پہلے ہی صاف ستھری توانائی کے اپنے اہداف کو حاصل کرلے گا اور انہوں نے ہر ایک سے اپیل کی کہ وہ ماحولیات کے تئیں باشعور اور ذمہ دار بنیں۔نیتی آیوگ کے سی ای او جناب امیتاب کانتھ نے اپنے خطاب میں ایک ایسے وقت میں بھارت کی شہر کاری کی تیز رفتاری کو اجاگر کیا، جبکہ امریکہ اور یوروپ جیسے ممالک تقریباً اس عمل سے گزر چکے ہیں۔ بھارت کی آبادی کے مد نظر جناب کانتھ نے اس بات پر زور دیا کہ پائیدار طورپر ابھرنے اور ترقی کرنے کا واحد راستہ ٹیکنالوجی کا استعمال کرنا، جدید اور قابل تجدید توانائی کا استعمال کرنا اور بجلی گاڑیوں، ہائیڈروجن کار وغیرہ کے لئے مانگ پیدا کرنے کے لئے تحقیق اور ترقی اور اختراع میں تیزی لاناہے ۔اس موقع پر خطاب کرتے ہوئے یواین ریزیڈنٹ کوآرڈینیٹر جناب یوری افناسیو نے کہا کہ بھارت میں حالات اپنی نوعیت ، تاریخ اور آبادی کی وجہ سے پائیدار اور سرکلر معیشت کا حل پیش کرنے کے لئے موافق ہیں ۔جناب راکیش بھارتی متل ، صدر سی آئی آئی اور وائس چیئرمین ، بھارتی انٹرپرائزز لمٹیڈ نے زور دیا کہ سی آئی آئی 19-2018ء انڈیا رائز:ریسپانسبل، انکلوسیو، سسٹینبل، پائیدار ایجنڈاسے وابستہ ہیں۔ کنفیڈریشن آف انڈین انڈسٹری کے ڈائریکٹر جنرل جناب چندر جیت بنرجی نے کہا کہ سی آئی آئی کے 9امتیازی مراکز ایس ڈی جی سے بہتر طورپر وابستہ ہیں۔سی آئی آئی-نیتی آیوگ نے تین سالہ شراکت داری اختیار کی ہے اور ایک مفاہمت نامے پر دستخط کئے ہیں۔ شراکت داری میں خصوصی سرگرمیوں پر توجہ دی گئی ہے، جنہیں ترقی دینا ہے۔(1) ایس ڈی جی میں تعاون کے لئے تجارتوں اور صنعتوں کے ویژن اور ایکشن ایجنڈا۔(2) سالانہ اسٹیٹس رپورٹ۔(3)خصوصی شعبے کے بہترین طریقہ کار کے دستاویزات۔ اس موقع پر نیتی آیوگ کے مشیر ڈاکٹر اشوک کمار جین نے شراکت داری کے بارے میں بات کی اوراختراعی اقدامات کے لیے سی آئی آئی کا خیر مقدم کیا۔