ہندوستان کے سرجیکل اسٹرائک کی نتن یاہو نے کی حمایت
ممبئی، 19؍جنوری(ایس او نیوز؍آئی این ایس انڈیا)اسرائیلی وزیراعظم بنیامین نتن یاہو جو چھ روزہ دورہ پر ہندوستان میں ہیں نئی دہلی سے آگرہ اوراحمد آباد کے بعدان کادورہ آجممبئی پہنچ کر ختم ہوا۔ایک انٹرویو میں نتین یاہو نے ہندوستان کی پاکستان پالیسی کی حمایت کی اور ہندوستان کے سرجیکل اسٹرائیک پر بھی اتفاق کیا ۔نتن یاہو نے انگریزی نیوز چینل ٹائمس ناؤ کو ایک انٹرویو دیتے ہوئے کہا کہ وزیراعظم پی ایم مودی ایک عظیم محب وطن ہیں وہ وہی کرتے ہیں جو ملک کے لئے اچھا ہوتاہے۔ جب سرحدپر دہشت گردوں کے بارے میں بھارت کی کارروائی کے بارے میں پوچھاگیا تو انہوں نے کہا کہ ہمارے درمیان کچھ ہم آہنگی ہے، مجھے نہیں لگتا کہ کچھ اس سے بھی آگے کہنے کی ضرورت ہے۔انہوں نے کہا کہ اسرائیل پاکستان کا دشمن نہیں ہے اور نہ ہی انہیں ہمارا دشمن ہوناچاہئے۔
واضح ہو کہ جمعرات کونتن یاہو ممبئی میں تھے،وہاں انہوں نے بہت سے صنعتی ماہرین سے ملاقات کی،شام کے آخر میں بالی ووڈ کے اداکاروں کے ساتھ رات کا کھانا کھایا تھا۔اس دوران بہت سے ستارے موجود تھے جن میں امتابھ بچن، کرن جوہر، سبھاش گئی، ایشوریا بچن وغیرہ شامل تھے۔اس پروگرام کا مقصد اسرائیل میں فلم سازوں کے لئے کاروباری امکانات تلاش کرناتھا۔