ناگپور (مہاراشٹر)،03؍ دسمبر (ایس او نیوز؍آئی این ایس انڈیا) مہاراشٹر کے گڑھچرولی ضلع میں نکسلیوں نے مبینہ طور پر ایک ٹرک کو جلا دیا۔حالانکہ واقعہ میں کوئی بھی ہلاک نہیں ہوا۔پولیس نے پیر کو یہ معلومات دی۔ اضافی پولیس سپرنٹنڈنٹ مہندر پنڈت نے بتایا کہ یہ واقعہ اتوار کی رات کو پیش آیا۔یہ جگہ گڑھچرولی کی اٹاپلی تحصیل میں سورج گڑھ میں ایک لوہ ایسک کان کنی مقام سے تقریباً10 کلو میٹر دور واقع ہے۔انہوں نے بتایاٹرک گزشتہ کچھ دنوں سے جائے حادثہ پر ٹوٹا پڑا تھا۔متعلقہ ٹھیکیدار کو گاڑی کو ہٹا لینے کے لئے کہا گیا تھا لیکن وہ وہاں کھڑا رہا۔ انہوں نے بتایا کہ اتوار کی رات میں ٹرک کو جلا دیا گیا۔انہوں نے کہا کہ شبہ ہے کہ اس میں نکسلیوں کا ہاتھ ہے۔ پولیس کے مطابق نکسلیوں نے گزشتہ جمعہ کو اٹاپلی تحصیل میں ایک سڑک ٹھیکیدار کی تقریباً 14 گاڑیوں کو جلا دیا تھا۔ نکسلی اتوار سے ’پیپلز لبریشن گوریلا آرمی‘ (پی ایل جی اے) ہفتہ منا رہے ہیں۔نکسلی 2000 سے اپنے مارے گئے رہنماؤں اور کیڈر کی یاد میں دو سے آٹھ دسمبر کے درمیان ہر سال پی ایل جی اے ہفتہ منا تے ہیں۔