پلوامہ حملہ: بیانات پر نوجوت سدھو کی صفائی، قصورواروں کو چوراہے پر ملے سزا لیکن جنگ نہ ہو: نوجوت سنگھ سدھو
چندی گڑھ،17؍فروری (ایس او نیوز؍آئی این ایس انڈیا) پلوامہ دہشت گردانہ حملے پر اپنے تبصرے کو لے کر تنقید کا سامنا کر رہے پنجاب حکومت میں وزیر اور کانگریس لیڈر نوجوت سنگھ سدھو نے صفائی دی ہے۔
انہوں نے صاف صاف کہا کہ پلوامہ حملے میں جو مجرم ہیں انہیں ایسی سزا ملے کہ دنیا اسے ایک نظیر کی طرح پیش کرے۔ سدھو نے کہا کہ قصورواروں کو چوراہے پر سزا ملنی چاہئے۔ حالانکہ انہوں نے’ جنگ نہ ہو‘ کی پیروی کی۔پنجاب میں ایک جلسۂ عام سے خطاب کرتے ہوئے کہا کہ:’ کوئی بزدل اگر پیٹھ پیچھے گولی مار تا ہے تو اسے ختم کر دو، اس چوراہے پر سزا دو‘۔ ایسا ایک مثال پیش کرو کہ کوئی ایسی گھنونی حرکت نہ کرے۔
سدھو نے ایک شاعر کی شاعری کا بھی ذکر کیا کیا جنگ دو سال کے بچوں سے ہو سکتی ہے، کسی محنتی سے سکھ کی لڑائی ہو سکتی ہے؟ کسی 90 سال کے بزرگ سے ہماری لڑائی ہو سکتی ہے؟ مرتا کون ہے اور کرتا کون ہے؟ جو کرتا ہے وہ کھلا گھوم رہا ہے، اس کو کس نے رہا کیا تھا؟ جو مجرم ہے اس کو سزا دو۔ لیکن میں یہ ہزار بار کہوں گا کی جنگ نہیں ہونی چاہیے، میری دشمنی دو سال کے بچوں سے نہیں ہے۔