بلگاوی،25اپریل(ایس او نیوز؍یواین آئی)کرناٹک ۔مہاراشٹر کی سرحد کے اتھانی تعلقہ میں ضلع بلگاوی کے سب سے زیادہ رائے دہندگان ہیں۔انتظامیہ نے 12مئی کو ہونے والے اسمبلی انتخابات کے لئے آسان انعقاد کے لئے تمام اقدامات کئے ہیں۔بلگاوی جو گو ااور مہاراشٹرکی سرحد پر کرناٹک کا دوسرا دارالحکومت سمجھاجاتا ہے ،اس میں 28اسمبلی حلقے اور دو لوک سبھا حلقے ہیں۔اس ضلع میں 3671843رائے دہندے ہیں۔ان میں18,54,485 مرد اور 18,02,790 خاتون رائے دہندے اور266 دیگر رائے دہندگان ہیں۔ضلع میں 14302سرویس ووٹرس بشمول 156خواتین ووٹرس ہیں۔اتھانی میں2,10,031 رائے دہندے بشمول 1,01,307خواتین اور753سرویس ووٹرس ہیں جو ضلع میں سب سے زائد ہیں۔نپانی تعلقہ جہاں تمباکو کی سب سے زیادہ پیداوار ہوتی ہے ،ضلع کا دوسرا بڑاتعلقہ ہے ۔یہ بھی کرناٹک ۔مہاراشٹرکی سرحد پرواقع ہے ۔اس میں 2,09,099رائے دہندگان ہیں جن میں1,02,342خواتین اور 619سرویس ووٹرس ہیں۔الیکشن کمیشن نے اس ضلع میں 4,408بوتھس قائم کئے ہیں ۔92,368 درخواستیں فہرست رائے دہندوں میں شمولیت کیلئے موصول ہوئی ہیں جن میں سے 4447 درخواستوں کو مسترد کردیاگیا۔