تمام چوروں کی رقم کو مودی جی نے ’سفید‘کر دیا،بنیادی سوالات پر راہل گاندھی کاحملہ جاری
ڈا کور/ گجرات،10؍دسمبر (ایس او نیوز؍آئی این ایس انڈیا) اسمبلی انتخابات کے لئے پہلے مرحلے کے لئے ووٹنگ ہفتہ 9 دسمبر کو ہو چکی ہے ،اب اگلے مرحلے کے لئے ووٹنگ 14 دسمبر کو ہوگی اور 18 دسمبر کو نتائج آئیں گے۔ دوسرے مرحلے کی پولنگ سے پہلے تمام بڑے سیاستدان اپنے پارٹی کو برتری دلوانے کے لئے زور آزمائی میں لگے ہوئے ہیں۔ آج راہل گاندھی نے گجرات کے ڈا کور میں ریلی کی۔ اس دوران انہوں نے ڈاکور کے مشہور رن چھوڑ جی مندر بھی گئے ۔اراولی میں ریلی کے دوران راہل گاندھی نے کہا کہ نریندر مودی نے کہا تھا کہ آپ کے بینک اکاؤنٹس میں15 لاکھ روپے ہوں گے لیکن آج تک کسی بھی ہندوستانی شہری کے اکاؤنٹ میں15 پیسے تک نہیں آئے ۔ ڈو کورا کی اپنی ریلی میں راہل گاندھی نے کہا کہ بھارت میں موجود تمام چوروں کی رقم کو مودی جی نے وائٹ منی میں بدل دیا ۔ انہوں نے کہا کہ کل میں نے مودی جی کی تقریر سنی اس میں انہوں نے 90 فیصد مودی جی کی بات کی۔ انہوں نے کہا کہ دیکھئے غلط لفظ استعمال مت کریئے کیونکہ وہ پی ایم ہیں،آپ کانگریس پارٹی کے رکن ہیں پیارسے بات کر یں۔ ادھر گجرات اسمبلی انتخابات کے دوسرے مرحلے کے لئے انتخابی مہم میں اترے وزیر اعظم نریندر مودی کانگریس کے لیڈر منی شنکر ایر کے بہانے ایک بار پھر نشانہ لگایا ہے۔ انہوں نے کہا کہ گجرات کی توہین کر چکے منی شنکر ایئر نے حال ہی میں پاکستان کے ہائی کمیشن کے ساتھ خفیہ میٹنگ کی ہے۔مودی نے یہاں تک کہہ دیا کہ کانگریس کے ہاتھوں ملک کو بیچا جا رہا ہے اور پاکستان کے سابق افسران احمد پٹیل کووزیراعلیٰ منتخب کیے جانے کی اپیل کررہے ہیں۔