نئی دہلی،23؍اکتوبر(ایس او نیوز؍آئی این ایس انڈیا ) بی جے پی نے پارٹی کارکنوں اور حامیوں سے ’نمو ایپ‘ کے ذریعے سے 5 روپے سے لے 1000 روپے تک کی رقم کا تعاون پیش کرنے کی اپیل کی ہے۔

مرکزی وزیر سشما سوراج نے اس کے ذریعے 1000 روپے کا تعاون ادا کیا ہے۔بی جے پی نے آن لائن اپنی اپیل میں کہا ہے کہ حقیر تعاون بہتر بھارت کی تعمیر میں بڑا فرق لا سکتا ہے۔ اس لئے ’نمو ایپ‘ کے ذریعے 5 روپے، 50 روپے، 100 روپے، 500 روپے اور 1000 روپے کا تعاون کریں اور بی جے پی کو مضبوط بنائیں۔

بی جے پی کی سینئر لیڈر اور مرکزی وزیر سشما سوراج نے اپنی ٹویٹ میں کہا ہے کہ میں نے بھی ’نمو ایپ‘ میں 1000 روپے کی رقم دی ہے ۔ میرا سب بی جے پی کارکنوں اور حامیوں سے درخواست ہے کہ عوامی زندگی کو بنائے رکھنے کے لئے اس مہم میں اپنا تعاون ضرور دیں۔انہوں نے کہا کہ اس میں 5 روپے سے لے کر 1000 روپے تک کی رقم دی جا سکتی ہے۔ 1000 روپے سے زیادہ کی رقم قبول نہیں کی جا ئے گی ۔