تکبر نے مودی سرکار کو اخلاقی دیوالیہ کی واضح مثال بنادیا : راہل گاندھی

Source: S.O. News Service | By Shahid Mukhtesar | Published on 11th February 2019, 1:30 AM | ملکی خبریں |

نئی دہلی10فروری ( ایس او نیوز؍آئی این ایس انڈیا ) کانگریس صدر راہل گاندھی نے روزگار کے معاملے پر اتوار کو مرکز پر نشانہ لگاتے ہوئے الزام لگایا کہ نااہلی اور رعونت کے عنصر نے اس حکومت کو اخلاقی دیوالیہ پن کی عین مثال بنادیا ہے ۔ اپنے ا س الزام کی حمایت میں راہل گاندھی نے میڈیا میں آئی ایک خبر کی مثال دی۔ جس میں ایپ ٹیکنالوجی پر مبنی ’اوبر‘ کمپنی سے وابستہ ایک ڈرائیور نے کہا ہے کہ حکومت نے اسے کام نہیں دیا، اس نے لاکھوں روپے سرمایہ کاری کرکے روزگار حاصل کیا ہے ۔پالیسی کمیشن کے اولا؍اوبرسے 20 لاکھ روزگار سے متعلق مبینہ بیان کے متعلق پوچھنے پر ڈرائیور نے مذکورہ تبصرہ کیاتھا ۔ راہل گاندھی نے فیس بک پوسٹ میں لکھا ہے کہ :’ نااہلی ، تکبر، عجب ، رعونت جیسے عناصر کے بدترین امتزاج نے اس حکومت کو اخلاقی دیوالیہ پن کی عین مثال بنا دیا ہے۔ بے روزگاری کے مسئلے کو لے کرراہل گاندھی مسلسل پی ایم مودی کی تنقید کر رہے ہیں۔ وہ اکثر کہتے ہیں کہ اقتدار میں آنے سے پہلے، ہر سال دو کروڑ روزگار کا وعدہ کیا گیا تھا ؛لیکن یہ وعدہ پورا نہیں کیا گیا۔راہل گاندھی کی تنقید میں ایک انگریزی روزنامہ میں شائع خبرکے بعد شدت آ گئی۔ اس رپورٹ میں مبینہ طور پر کہا گیا تھا کہ:’ ملک میں بے روزگاری کی شرح 45 سال میں سب سے بری ہے ‘۔ حکومت کا کہنا ہے کہ اس نے لیبر فورس پر سروے کو حتمی شکل نہیں دی ہے۔ واضح ہو کہ اس سروے میں بتایا گیا ہے کہ گزشتہ 45 سال میں ملک میں بے روزگاری کی شرح سال 2017 ... 18 میں سب سے زیادہ 6.1 فیصد رہی ہے ۔ 

ایک نظر اس پر بھی

اکھلیش یادو ’ٹائیگر بام‘ کی طرح ہیں : مایاوتی 

اتر پردیش کی سیاست کے دو بڑے قد آور ملائم سنگھ یادو اور مایاوتی جب دہائیوں پرانی دشمنی بھلا کر مین پوری کی ریلی میں ایک ہی مشترکہ اسٹیج پر آئے تو ان کی تصاویر خوب وائرل ہوئیں دیکھی گئیں۔ دشمنی بھلا کر دونوں رہنماؤں نے اب اتر پردیش میں بی جے پی کو روکنے کی کوشش کرنے کی ایک طرح سے ...

نریندر مودی کی سیکورٹی کے پیش نظر وارانسی سیٹ پر بدلی گئی امیدواروں کی نامزدگی کی جگہ

وزیر اعظم نریندر مودی کی سیکوریٹی کے پیش نظر وارانسی پارلیمانی سیٹ کے انتخابات کیلئے نامزدگی مقام میں تبدیلی کی گئی ہے۔پہلے ضلع انتظامیہ نے ایڈمرل کورٹ میں نامزدگی کا اہتمام کیا تھا، لیکن اتوار کو نامزدگی مقام بدل کر کلکٹریٹ واقع رائفل کر دیا گیا۔انتظامیہ کے فیصلے کے بعد اب ...

ایس پی ۔ بی ایس پی کے پاس کانگریس کے ساتھ اتحاد کے علاوہ کوئی چارہ نہیں:سلمان خورشید

کانگریس کے سینئر لیڈر سلمان خورشید نے لوک سبھا انتخابات کے بعد اپنی پارٹی کے ایس پی۔بی ایس پی۔آر ایل ڈی کے ساتھ اتحاد ہونے کو ناگزیر قرار دیتے ہوئے کہا ہے کہ انتخابی نتائج آنے کے بعد اتر پردیش کے اس اتحاد کے پاس کوئی اور چارہ نہیں ہوگا۔اتر پردیش کی کانگریس یونٹ کے دو بار چیف رہ ...

آئی این ایل ڈی کے سابق ممبر اسمبلی راؤ بہادر نے تھاما کانگریس کا دامن، دپیندر ہڈا کی نامزدگی میں ہوں گے شامل

جنوبی ہریانہ کے قدآور لیڈر اور انیلو کے سابق ممبر اسمبلی راؤ بہادر سنگھ نے اتوار کو کانگریس پارٹی کا دامن تھام لیا۔راؤ بہادر سنگھ نے آج بتایا کہ 22 اپریل کو روہتک میں ایم پی دپیندر ہڈا کی نامزدگی کے موقع پر وہ اپنے 5000 حامیوں کے ساتھ موجود رہیں گے۔کانگریس صدر راہل گاندھی اور ...