ممبئی29؍مئی(ایس او نیوز؍آئی این ایس انڈیا)بی جے پی کی اہم اتحادی شیوسینا نے آج کہا ہے کہ نریندر مودی حکومت نے سابقہ یو پی اے حکومت کی طرف سے شروع کئے گئے  منصوبوں کا صرف’’افتتاح یا ان کا نام تبدیل کرنے‘‘کا ہی کام کیا ہے اور اس نے اپنے تین سال کے حکومت میں نوٹ بندی کے سوائے کچھ بھی کامیابی حاصل نہیں کی ہے۔

این ڈی اے حکومت کی اتحادی شیوسینا نے یہ بھی سوال اٹھایا کہ اس کے تین سال پورے ہونے پر منائے گئے جشن میں کیا وہ عام آدمی اور کسان بھی شامل تھے جو نوٹ بندی کی مارکا  سب سے زیادہ سامنا کیا تھا ؟۔شیوسینا کے ترجمان اخبار سامنامیں شائع ایک اداریہ میں کہا گیا کہ نوٹ بندی کے علاوہ حکومت نے کچھ بھی نیانہیں کیا۔آسام میں بھوپین ہجارکا ڈھولا-سدیا پل اور جموں و کشمیر میں چینانی-ناشری سرنگ کی مثال دیتے ہوئے اداریہ میں کہاگیاکہ کچھ اہم اور بڑے منصوبوں کا آغاز پچھلی حکومت نے کیاتھا اوران کے افتتاح اور نام تبدیل کرنے کاصرف کام پورے زورشور سے کیاگیا۔

پارٹی نے کہا کہ بڑے نوٹوں کو بند کر دینے کے مودی حکومت کے ’’مضبوط ‘‘قدم نے صنعتی سرگرمیوں میں ڈھیل لادی اورآ ٹی زون میں اس سے بڑے پیمانے پر روزگار میں کمی واقع ہوئی۔مراٹھی روزنامہ نے کہاکہ نوٹ بندی کسانوں کے لئے ایک دھچکا ثابت ہوئی۔انہیں خریف کے موسم سے پہلے زراعت کے لیے قرض حاصل کرنے میں مشکل ہو رہی ہے۔نوٹ بندی کا اعلان ہوئے چھ ماہ سے زیادہ گزر چکا ہے۔اس فیصلے نے ضلع کوآپریٹیو بینکوں کو بری طرح متاثرکیا۔یہ بینک کھیتی سے منسلک رو کا اہم ذریعہ ہوتے ہیں۔اس میں کہا گیا کہ حکومت اسٹاک مارکیٹ کے اعداد و شمار بڑھنے سے خوش ہے لیکن پریشان کسانوں اور ضلع کوآپریٹیو بینکوں کی’’تباہی‘‘سے اس پرکوئی اثر پڑتا دکھائی نہیں دیتا۔شیوسیناکے ترجمان اخبار نے بڑے نوٹوں کو بند کرنے کو لے کر ریزرو بینک کو بھی نشانہ بنایا۔شیوسینا نے سوال اٹھایاکہ کسانوں کی محنت کی کمائی کو کوڑے دان میں پھینک دینے کا حق آر بی آئی کو کس نے دیا؟ ۔