میگھالیہ :عسکریت پسند تنظیم کا سرغنہ دہشت گرد سوہن ڈی شرا پولیس انکاؤنٹر میں مارا گیا
میگھالیہ ،24؍ فروری (ایس او نیوز؍آئی این ایس انڈیا)میگھایل کے عسکریت پسند تنظیم گارو نیشنل لبریشن آرمی کے کمانڈر ان چیف سوہن ڈی شرا کو پولیس نے مار گرایا ہے۔میگھالیہ کے موسٹ وانٹڈ دہشت گرد سوہن ڈی رگ کو ہفتہ کو سکیورٹی فورسز نے تصادم میں مار گرایا۔گارو نیشنل لبریش آرمی یعنی جی این ایل اے کا کمانڈر ان چیف میگھالیہ کے گارو ہلز میں کافی فعال تھا۔بتا دیں کہ یہاں 27فروری کو پولنگ ہونی ہے۔ذرائع نے بتایا کہ گارو ہلز پولیس اور میگھالیہ کے اسپیشل فورس -10کمانڈو کی مشترکہ ٹیم کے ساتھ دہشت گرد سوہن کی چک پیک میں صبح 11:50 بجے تصادم ہوااسی تصادم میں عسکریت پسند تنظیم کا سرغنہ سوہن مارا گیا۔پولیس نے کہا کہ گزشتہ اتوار کو نیشنلسٹ کانگریس پارٹی کے امیدوار جوناتھن این سنگما کے قتل کے بعد سیکورٹی فورسز نے ریاست کے دارالحکومت شیلانگ سے 320 کلومیٹر دور گارو ہلس میں انسداد دہشت گردی مہم چلائی تھی۔میگھالیہ کے اسپیشل فورس کے 10کمانڈو اور گارو ہلز پولیس کی مشترکہ مہم کے تحت ہی مارا گیا۔ایک سینئر پولیس افسر نے بتایا کہ ڈوبو علاقے میں کچھ جی این ایل اے عسکریت پسندوں کی ممکنہ موجودگی کی خفیہ خبر ملنے کے بعد انتہا پسندی کی روک تھام فورس کو حرکت میں آنے کو کہا گیا ہے۔آج گیارہ بجے ڈوبو کے قریب اچاک پیک گاؤں میں تصادم ہوا اور سوہن مارا گیا۔
