نئی دہلی،29؍مئی(ایس اونیوز؍آئی این ایس انڈیا) منی پور میں روڈ ریج میں نوجوان کے قتل کے معاملے میں سپریم کورٹ نے مرکزی حکومت کو کہا کہ وہ نوجوان کے ماں باپ کو تحفظ دینے پر غور کریں۔ کورٹ نے کہا کہ اگر ریاست کے وزیر اعلی پر کوئی الزام لگاتا ہے تو اس کے پیچھے کچھ نہ کچھ تو ہے۔معاملے کی سماعت 5 جون کو ہوگی اور مرکز اپنا جواب داخل کرے گا۔منی پور میں ہوئے روڈریج معاملے میں اپنا بیٹا کھو چکے والدین نے سپریم کورٹ سے تحفظ دینے کا مطالبہ کیا ہے۔

خیال رہے کہ پچھلی سماعت میں متاثرہ خاندان کی درخواست پر جسٹس ایل ناگیشور رائے اور جسٹس جدید سنہا کی غیرآئینی بنچ نے مرکز اور منی پور حکومت کو نوٹس جاری کیا تھا۔ درخواست کے مطابق 20 مارچ 2011 میں ہوئے روڈریج میں  وزیر اعلی این ورین سنگھ کے بیٹے اجے سنگھ نے 19 سالہ راجر کو گولی مار دی تھی، جس سے اس کی موت واقع ہو گئی تھی۔ نچلی عدالت نے اجے کو غیر ارادتا قتل کا قصوروار مانتے ہوئے پانچ سال قید کی سزا سنائی تھی۔ فی الحال یہ معاملہ ہائی کورٹ میں زیر التوا ہے۔ واقعہ کے وقت این ورین سنگھ وزیر کھیل تھے۔   متاثرہ خاندان نے مجرم کے خاندان پر ہراساں کرنے  اور دباؤ بنانے کا الزام لگایا ہے۔