کمشنر کے دفاع میں آئیں ممتابنرجی،کہابدلے کے جذبے سے کام کر رہی ہے بی جے پی
کولکاتہ:3 /فروری (ایس اونیوز /آئی این ایس انڈیا)مغربی بنگال کی وزیر اعلی ممتا بنرجی کولکاتہ پولیس کمشنر راجیو کمار کے دفاع میں آئیں، جنہیں سی بی آئی نے روزویلی اور شارداپونجی ا سکیم جیسے معاملات میں طلب کیا تھا۔انہوں نے بی جے پی پر بدلے کی سیاست کرنے کا الزام لگایا۔ممتا نے کہا کہ کولکاتہ پولیس کمشنر دنیا کے بہترین لوگوں میں سے ایک ہیں،ان کی ایمانداری اور بہادر ی قابل اعتماد ہے،وہ 24گھنٹے کام کر رہے ہیں اور حال ہی میں صرف ایک دن کی چھٹی لی ہے۔ممتا نے ٹوئٹ کیا کہ بی جے پی کی اعلی قیادت گری ہوئی سیاسی بدلے کے ساتھ کام کر رہی ہے۔ ان کے نشانے پر نہ صرف سیاسی جماعتیں بلکہ وہ پولیس کو کنٹرول کرنے اور اداروں کوبھی طاقت کا غلط استعمال کرکے بربادکررہے ہیں،ہم اس کی مذمت کرتے ہیں۔ان گھوٹالوں کے سلسلے میں سی بی آئی سوالات کے لئے راجیو کمار کو تلاش کررہی ہے،ہفتے کے روز مرکزی تحقیقاتی ایجنسی کے اہلکار نے کہا کہ آخری حل یہ ہے کہ کولکاتہ پولیس سربراہ کو گرفتار کیا جا سکتا ہے۔انہوں نے کہا کہ مغربی بنگال پولیس کی خصوصی تفتیشی ٹیم کے سربراہ آئی پی ایس افسر نوٹس کا جواب نہیں دے رہے ہیں۔بنرجی نے کہا کہ کولکاتہ پولیس کمشنر دنیا میں بہترین عملے میں شامل ہے۔راجیو کمار مغربی بنگال کیڈر کے 1989بیچ آئی پی ایس افسر ہیں۔گزشتہ ہفتے انہوں نے الیکشن کمیشن کے حکام کے ساتھ میٹنگ میں بھی شامل نہیں ہوئے تھے۔