مدھیہ پردیش اسمبلی انتخابات:غیر قانونی طریقے سے پریس کانفرنس کرنے پرسبت پاتراپر مقدمہ درج

Source: S.O. News Service | By Staff Correspondent | Published on 10th November 2018, 10:07 PM | ملکی خبریں |

نئی دہلی ،10؍ نومبر (آئی این ایس انڈیا؍ایس او نیوز) مدھیہ پردیش میں اسمبلی انتخابات 2018 کولے کر بی جے پی کے ترجمان سبت پاترا کو مدھیہ پردیش کے دارالحکومت بھوپال میں سڑک پر پریس کانفرنس کرنا مہنگا ثابت ہوا ہے۔غیر قانونی طریقے سے پریس کانفرنس منعقد کرنے کے معاملے میں انہیں ضابطہ اخلاق کی خلاف ورزی کا ملزم بنایا گیا ہے۔اس معاملے میں بی جے پی لیڈر ایس ایس اپل کے خلاف پہلے ہی کیس درج کیا جا چکا ہے۔بھوپال کے ضلع الیکشن افسر کی جانب سے چیف الیکشن افسر کو دی گئی رپورٹ میں کہا گیا ہے کہ 27 اکتوبر کو دوپہر ایک بجے سے تین بجے تک مہارانا پرتاپ نگر میں پریس کانفرنس کی اجازت لی گئی تھی، مگر پریس کانفرنس 12 سے ساڑھے 12 بجے کے درمیان ہوئی، اس پریس کانفرنس میں پاترا موجود رہے۔یہ مثالی ضابطہ اخلاق کی خلاف ورزی ہے۔اس کو لے کر کانگریس کی جانب سے شکایت کی گئی تھی۔چیف الیکشن آفیسر کو دی گئی رپورٹ کے مطابق پریس کانفرنس کی اجازت لینے والے بی جے پی لیڈر اپل کے خلاف مقدمہ درج معاملے کو غورکیاگیا۔غور کے دوران اور الیکشن افسر کو مہیا کرائی گئی ویڈیوز رریکارڈنگ سے پتہ چلا کہ پریس کانفرنس ایک سے تین بجے کے بجائے دوپہر 12 بجے سے ساڑھے 12 بجے کے درمیان ہوئی۔ضلع الیکشن افسر کی رپورٹ میں کہا گیا ہے کہ اس سے متعلق اپل سے جواب دینے کو کہا گیا ہے مگر انہوں نے کوئی جواب نہیں دیا۔اس کے علاوہ ڈاکٹر پاترا سے جواب مانگا گیا، مگر پاترا نے بھی جواب نہیں دیا۔لہٰذا ملزمان کی فہرست میں ڈاکٹر پاترا کا نام بھی شامل کیا گیا ہے۔نیشنل ہیرالڈ کے معاملے کو لے کر ڈاکٹر پاترا اور دیگر بی جے پی لیڈروں نے پریس کمپلیکس میں اسی عمارت کے سامنے پریس کانفرنس کی تھی جو زمین نیشنل ہیرالڈ کو الاٹ کی گئی تھی اور اب یہ کمرشیل کمپلیکس میں تبدیل ہو چکی ہے۔

ایک نظر اس پر بھی

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

ای وی ایم تنازعہ: کپل سبل نے کہا 'ذاتی حیثیت سے گیا تھا لندن، کانگریس کا کوئی لینا دینا نہیں'۔

  کانگریس کے سینئر لیڈر کپل سبل نے بھارتیہ جنتاپارٹی (بی جے پی)کےلیڈر اوروزیرقانون روی شنکر پرساد کےان الزامات کو منگل کو پوری طرح سے بے بنیاد بتاکہ لندن میں الیکٹرانک ووٹنگ مشین (ای وی ایم )سے متعلق پریس کانفرنس کا اہتمام کانگریس نے کیاتھا اورواضح کیاکہ وہ اس میں ذاتی حیثیت ...

مدارس کو اگربند نہیں کیا گیا توآئی ایس آئی ایس حامی ہوجائیں گے مسلم بچے، وسیم رضوی نے وزیراعظم کو خط لکھ کرکیا مطالبہ

اپنے متنازعہ بیانات  کے سبب اکثرسرخیوں میں رہنے والے اترپردیش شیعہ وقف بورڈ کے چیئرمین وسیم رضوی نے وزیراعظم نریندرمودی کوخط لکھ کربنیادی سطح تک کے سبھی مدارس کوبند کرنے کا مشورہ دیا ہے۔

اپنے کسی بھی ممبر اسمبلی کو لوک سبھا انتخابات میں نہیں اتارے گی عام آدمی پارٹی

عام آدمی پارٹی آئندہ لوک سبھا انتخابات میں اپنے موجودہ  ممبراسمبلی اور وزرا کو ٹکٹ نہیں دے گی۔ عآپ کے سینئر لیڈر گوپال رائے نے منگل کو یہ جانکاری دی ہے۔ عام آدمی پارٹی کی دہلی یونٹ کے صدر رائے نے ساتھ ہی کہا کہ انتخابات کی اطلاع جاری ہونے سے کافی پہلےہی دہلی م پنجاب اور ہریانہ ...

الیکٹرانک ووٹنگ مشینوں پر چندرابابوکوشبہات

الکٹرانک ووٹنگ مشینوں (ای وی ایمس)کے استعمال پر تشویش کا اظہار کرتے ہوئے اے پی کے وزیراعلی و تلگودیشم پارٹی کے قومی صدر این چندرابابونائیڈو نے کہا کہ ان مشینوں میں الٹ پھیر کے کئی ثبوت پائے گئے ہیں