مادھوری دکشت کا الیکشن لڑنے کا منصوبہ نہیں، ترجمان نے خبروں کو بتایا جھوٹ

Source: S.O. News Service | By Jafar Sadique Nooruddin | Published on 8th December 2018, 2:12 AM | ملکی خبریں |

ممبئی:7/دسمبر (ایس او نیوز/آئی این ایس انڈیا)اداکارہ مادھوری دکشت کے نمائندے نے ان تمام خبروں کو تردید کی ہے جن میں کہا گیا ہے کہ وہ بی جے پی کے ٹکٹ پر پونے سے لوک سبھا انتخابات لڑ سکتی ہیں۔ ایک رپورٹ میں دعویٰ کیاگیاتھاکہ پونے لوک سبھا سیٹ کے لئے مادھوری کا نام طے ہو گیا ہے لیکن ان کے ترجمان نے ان خبروں کی تردید کی ہے۔مادھوری کے ترجمان نے کہاہے کہ یہ خبریں جھوٹی اور غیر حقیقی ہیں۔ بی جے پی صدر امت شاہ نے اس سال جون میں اداکارہ سے ممبئی واقع ان کی رہائش گاہ پر ملاقات کی تھی۔ شاہ اس وقت پارٹی کے ’’ رابطہ برائے حمایت‘‘ نامی مہم کے تحت ممبئی پہنچے تھے۔ شاہ نے اس دوران اداکارہ کو نریندر مودی حکومت کی کامیابیوں سے آگاہ کیا تھا۔ مہاراشٹر کے ایک سینئر بی جے پی لیڈر نے جمعرات کو بتایا کہ مادھوری کا نام پونے لوک سبھا سیٹ کے لئے منتخب کیا گیا ہے۔ انہوں نے کہا کہ پارٹی 2019 کے عام انتخابات میں مادھوری دکشت کو امیدوار بنانے پر سنجیدگی سے غور کر رہی ہے۔ ہمارا خیال ہے کہ پونے لوک سبھا سیٹ ان کے لئے بہتر ہو گی۔ بی جے پی لیڈر نے کہا کہ پارٹی کئی لوک سبھا سیٹوں کے لئے امیدواروں کے نام طے کرنے کے عمل میں ہے اور دکشت کا نام پونے لوک سبھا حلقہ کے لئے منتخب کیا گیا ہے۔ اس کے لئے ان کے نام پر سنجیدگی سے غور کیا جا رہا ہے۔مادھوری نے سال 1984 میں فلم ’’ابودھ ‘‘کے ساتھ بھارتی فلم انڈسٹری میں قدم رکھا تھا۔ وہ بالی ووڈ کا ایک اہم حصہ رہی ہیں اور انہوں نے 'تیزاب'، 'رام لکھن، دل، بیٹا، ہم آپ کے ہیں کون ...!اور ’دیوداس‘ جیسی فلموں میں اپنے اداکاری کے جلوے بکھیرے ہیں۔ انہوں نے شادی کے بعد کچھ وقت تک فلموں سے دوری اختیار کرلی تھی اور سال 2007 میں آجا نچلے کے ساتھ انہوں نے واپسی کی ہے ۔

ایک نظر اس پر بھی

سرمائی سیشن میں رافیل اور آر بی آئی کی خودمختاری کامسئلہ اٹھایاجائے گا:غلام نبی آزاد

کانگریس کے سینئر لیڈر غلام نبی آزاد نے پیر کو کہا کہ پارلیمنٹ کے سرمائی اجلاس میں رافیل طیارے سودے کی تحقیقات کے لئے مشترکہ پارلیمانی کمیٹی (جے پی سی)کے قیام کا مطالبہ اور ریزرو بینک کی خود مختاری اور جانچ ایجنسیوں کے مبینہ غلط استعمال سمیت کئی دیگر مسائل اٹھائے جائیں گے ۔

مودی حکومت غیر قانونی طریقے سے سوچھ توانائی کے پیسے کوکہیں اورلگارہی ہے: سیتا رام یچوری

کمیونسٹ پارٹی (سی پی ایم)کے سیکریٹری جنرل سیتا رام یچوری نے پیر کو الزام لگایا کہ مرکز کی بی جے پی حکومت ریاستوں کو جی ایس ٹی میں ان کے حصے کی ادائیگی کے لئے سوچھ توانائی فنڈ کی رقم غیر قانونی طور پر استعمال کر رہی ہے۔

اقلیتی تعلیمی پروگرام میں آندھرا پولیس کے ذریعہ زیادتی کی پاپولر فرنٹ نے کی مذمت

پاپولر فرنٹ آف انڈیا کے جنرل سکریٹری ایم محمد علی جناح نے آندھرا پردیش میں پاپولر فرنٹ کے ایک تقسیمِ اسکالرشپ پروگرام میں کچھ پولیس افسران کی خلل اندازی اور جھوٹے الزامات میں تنظیم کے زونل سکریٹری و دیگر ضلعی لیڈران کی من مانی گرفتاری اور انہیں زدوکوب کرنے کے طریقے کی سخت ...