لوک سبھا انتخابات ، بی جے پی 22سیٹیں جیت گئی تو ریاست کی مخلوط حکومت باقی نہیں رہے گی:یڈیورپا
بنگلورو ،11؍مارچ (ایس او نیوز) آنے والے لوک سبھا انتخابات میں اگر بی جے پی ریاست میں 22سیٹیوں پر جیت درج کرتی ہے تو کانگریس اور جے ڈی ایس پرمشتمل مخلوط حکومت زیادہ دن نہیں چل سکتی ۔ یہ بات ریاستی بی جے پی یونٹ کے صدر بی ایس یڈیورپا نے کہی ۔ شہر کے ہوائی اڈہ پرنامہ نگاروں سے بات چیت کے دوران انہوں نے کہا کہ بیلگاوی ،چکوڈی میں پارٹی کارکنوں کا اجلاس ہے ،اس میں شرکت کررہا ہوں۔لوک سبھا انتخابات کے لئے بہت جلد پارٹی امیدواروں کو منتخب کرنا ہمارا مقصد ہے ۔ریاست کے موجودہ اراکین پارلیمان کو ٹکٹ فراہم کرنا تقریباً طے ہے ۔ موجودہ اراکین پارلیمان میں دو تین تبدیلیاں لائی جاسکتی ہیں۔پاکستان کے مسعوداظہر کو بی جے پی حکومت نے رہا کیا تھا ، ہاویری کے کانگریس اجلاس میں راہل گاندھی نے بی جے پی پر ہلہ بولتے ہوئے کہا تھا کہ مسعود اظہر کو کس نے رہا کیا ؟ اس پر کئے گئے سوال کا جواب دیتے ہوئے ایڈی یورپا نے کہا کہ راہل گاندھی اب بھی ناتجربہ کار ہیں ۔ اس لئے انہیں نا پختہ ذہن کہاجاتا ہے ۔
