ممبئی،26 مارچ (ایس او نیوز؍آئی این ایس انڈیا) ممبئی کے قریب پالگھر سیٹ پر بہت ہی حیران کرنے والے سیاست بن گئی ہے۔ شیوسینا کے ساتھ اتحاد میں بی جے پی نے پہلے اپنی لوک سبھا سیٹ شیوسینا کو دے دی۔اب بی جے پی نے لوک سبھا انتخابات میں اپنا پالگھر کا رہنما بھی امیدوار کے طور پر شیوسینا کو دے دیا ہے۔پالگھر سیٹ سے بی جے پی کے ایم پی راجندر گاوت اب شیوسینا کے ٹکٹ پر الیکشن لڑیں گے۔ راجندر گاوت کو شیوسینا میں شامل کیا گیا۔گاوت بی جے پی میں آنے سے پہلے کانگریس میں تھے۔شیوسینا کے سربراہ ادھو ٹھاکرے نے بتایا کہ بی جے پی سے اتحاد میں پالگھر سیٹ ہمارے حصے میں آئی ہے، ساتھ میں امیدوار بھی آ گیا۔ہم نے مل کر یہ طے کیا ہے۔ادھو نے اس کے پہلے بی جے پی کے سابق ایم پی سورگی چنتامنی ونگا کے بیٹے سرینواس ونگا کو لیڈربنانے کا وعدہ کیا تھا پر اب سرینواس نے ایم پی کے بجائے رکن اسمبلی بننے کی خواہش ظاہر کی ہے لہٰذا راجندر گاوت کو شیوسینا کی جانب سے لوک سبھا کا امیدوار بنایا گیا ہے۔پالگھر سیٹ بی جے پی کے سابق ایم پی چنتامنی ونگا کا گڑھ رہا ہے لیکن ان کی موت کے بعد ہوئے انتخابات میں بی جے پی نے کانگریس سے آئے راجندر گاوت کو ٹکٹ دیا تھا اور جتایا بھی۔تب شیوسینا نے چنتامنی ونگا کے بیٹے سرینواس ونگا کو امیدوار بنایا تھا۔