بنگلورو،13/ستمبر (ایس اؤنیوز)وزیراعلیٰ کے سدارامیا ریاستی عوام کو نئے سال کاتحفہ دیناچاہتے ہیں، جنوری2018سے ریاست میں49نئے تعلقہ جات کا جنم ہونے والا ہے۔ ریاستی حکومت نے اس سلسلہ میں ایک حکمنامہ جاری کردیاہے۔ ان میں بنگلور وشہری ضلع کا یلہنکا بھی شامل ہے ، جس نئے تعلقہ کا درجہ ملے گا۔ حکمنامہ میں کہا گیاہے کہ محکمہ محصول اس سلسلہ میں محکمہ مالیات سے رابطہ کرے گا تاکہ نئے تعلقہ جات کے لئے مطلوبہ دفاتر قائم کرنے میں آسانی ہوسکے۔ یاد رہے ریاستی کابینہ نے گزشتہ ماہ نئے تعلقات شروع کرنے کے لئے منظوری دی تھی۔ ریاست بھر کے ڈپٹی کمشنرز کو ہدایت دی گئی تھی کہ اپنی اپنی حدودمیں آنے والے نئے تعلقہ جات کی سرحدیں طئے کریں۔ ان نئے تعلقہ دفاترقائم کرنے کا کام جنوری2018سے شروع ہوگا۔ ان مقامات پر تمام محکموں کے تعلقہ دفاترمرحلہ وار قائم کئے جائیں گے۔49؍نئے تعلقہ جات کی تفصیل ضلع وار اس طرح ہے۔ باگل کوٹ ضلع میں3؍نئے تعلقہ جات قائم ہوں گے جو گلید گڈا،ربکوی اور الکل ہیں۔ بلگاوی ضلع میں نپانی اور کاگے واڑہ کی تشکیل ہوگی۔چامراج نگر اور داونگیرے سے بالترتیب ہونور اور نیامتی تعلقہ جات کاجنم ہوگا۔ بیدر ضلع میں چٹکوپا،ہلسور اور کملانگر کو تعلقہ کا درجہ دیاجائے گا۔بلاری ضلع سے کوراگوڈو، کوٹوراور کمپلی نئے تعلقہ جات ہوں گے۔ دھارواڑ کے انگیری، الناور اور ہبلی سٹی کو تعلقہ کی حیثیت ہوگی۔ گدگ: گجیندر گڑھ اور لکشمیشور،کلبرگی میں4نئے تعلقہ جات بنیں گے جو کلگی، کملاپور، یدراوی اور شاہ آباد ہیں۔ یادگیر میں ہناسگی، واڈاگیرا اور گرمٹکل کو یہ موقع ملے گا۔ کوپل ضلع، ککنور، کنکاگری اور کرنگی، کولار۔ کے جی ایف، رائچور : مسکی اور سروارا،اڈپی: برہماور،کاوپ،بایندور اور ہیبری، جنوبی کنڑا، موڑ بدر اور کڈابہ، بنگلور شہری ضلع، یلہنکا، وجئے پور، بابلیشور، نداگنڈی، ٹمکوٹا، دیوراپرگی، تالیکوٹ،چڈاچنااور کولہار،ہاویری ضلع: رلی ہلی، میسور ضلع، سرگور، چک مگلور، اجم پور اور شمالی کنڑا،ڈانڈیلی