بنگلورو،10 جولائی (ایس او نیوز) انسانی حقوق کمیشن کے دفتر میں ہی حقوق کی خلاف ورزی ہونے پر کر ناٹک قانون کمیشن کے صدر ایس آر نائک نے افسوس کا اظہار کیا ہے ۔

بنگلورو میں منعقدہ تقریب کا افتتاح کرنے کے بعد ایس آر نائک نے بتایا کہ قانون سازی کے قوانین سے انسانی حقوق کا تحفظ ممکن نہیں ہے ۔ انسانی حقوق کمیشن کے دفتر میں ہی قانون کی خلاف ورزی ہورہی ہے ۔

انہوں نے بتایا کہ حال ہی میں چند معاملات میں انسانی حقوق کے خلاف ورزیاں ہورہی ہیں ۔ اس سلسلے میں عوام بیدار نہیں ہیں ۔ جو وہ کمیشن کے صدر تھے اس وقت انہوں نے دیہاتوں میں انسانی حقوق کے متعلق بیداری لانے کی حتی المقدور کوشش کی تھی ۔ آج بھی چند ایسے لوگ موجود ہیں جو سڑکوں پر پھینکا ہوا کھانا کھارہے ہیں ۔ ایسے افراد کا تحفظ کرنے کیلئے انسانی حقوق کمیشن کے کارکنوں کو آگے آنے کی اشد ضرورت ہے ۔