کورگ ضلع کے متاثرین کی باز آباد کاری جلد،42ہزار مکانات کی تعمیر کرنے یوٹی قادر کا اعلان

Source: S.O. News Service | By Shahid Mukhtesar | Published on 27th August 2018, 11:08 PM | ریاستی خبریں |

بنگلورو،27؍اگست(ایس او نیوز) ریاسیت وزیر ہاؤزنگ یوٹی قادر نے کہا ہے کہ کورگ ضلع میں تباہ کن بارش اور سیلاب کی وجہ سے جن لوگوں نے اپنا سب کچھ کھو دیا ہے اور بے گھر ہوچکے ہیں ان کی باز آباد کاری کے لئے 42 ایکڑ زمین کی نشاندہی کی گئی ہے جہاں پر ان کے لئے مکانات تعمیر کئے جائیں گے۔

آج وکاس سودھا میں ایک اخباری کانفرنس سے خطاب کرتے ہوئے انہوں نے کہاکہ 24ایکڑ زمین کی سروے نمبر کی نشاندہی کی گئی ہے۔ بقیہ 18 ایکڑ زمین کا سروے کیا جارہاہے۔ وزیر موصوف نے کہاکہ ریاستی حکومت تباہ حال کورگ ضلع کی از سر نو تعمیر کے لئے مستعد ہے، ضلع میں بارش اور سیلاب کی وجہ سے جملہ 758 خاندان پوری طرح بے گھر ہوگئے ہیں۔ ان کو رہائش کے لئے حکومت کی طرف سے ماڈل مکانات تعمیر کروا کر مہیا کروائے جائیں گے۔

انہوں نے کہاکہ حکومت کی طرف سے کوشش کی جارہی ہے کہ ہر خاندان کو ایک ہی ماڈل کا مکان تعمیر کرکے مہیا کرایا جائے۔ انہوں نے کہاکہ راجیو گاندھی ہاؤزنگ کارپوریشن ، آشریہ مکانات وغیرہ پوری ریاست میں تعمیر کئے جارہے ہیں۔ کورگ ضلع میں مچی تباہی کو دیکھتے ہوئے ضلع میں ہاؤزنگ کے پراجکٹوں کو غیر معمولی رفتارسے پورا کرنے پر توجہ دی جائے گی۔انہوں نے کہاکہ جن لوگوں کو نئے مکانات فراہم کئے جائیں گے انہیں ریاستی حکومت کی طرف سے جینے کے لئے درکار ضروری اسباب پر مشتمل ایک کٹ بھی مفت مہیا کرائی جائے گی۔ اس کے علاوہ ان کی روز مرہ کی ضرورتوں کے لئے درکار اشیاء کی خریداری کے لئے بھی حکومت کی طرف سے مالی تعاون دیا جائے گا۔ انہوں نے کہاکہ کورگ میں سیلاب اور بارش کی وجہ سے جو تباہی مچی ہے اس کے لئے دراصل ضلع کی غیر سائنفک ترقی ذمہ دار ہے۔ انہوں نے کہاکہ آنے والے دنوں میں اس ضلع میں تعمیرات کے لئے نئے پیمانے وضع کئے جائیں گے۔

یو ٹی قادر نے بتایاکہ اگلے چھ ماہ کے دوران ضلع میں بے گھر تمام افراد کو باز آباد کردیا جائے گا۔ اس موقع پر انہوں نے کہاکہ وزیر اعلیٰ کی ایک لاکھ روپے کی ہاؤزنگ اسکیم کے تحت رواں سال 49 لاکھ مکانوں کی تعمیر کی جائے گی۔ انہوں نے کہاکہ اس اسکیم کے تحت ایک مکان کی یونٹ پر چھ لاکھ روپیوں کی لاگت آئے گی جس میں سے ریاستی حکومت امیدوار کو 2.75لاکھ روپے تک فراہم کرتی ہے۔ 

ایک نظر اس پر بھی

ہر تین ماہ میں کرایہ پر نظر ثانی کا اختیار محکمہ ٹرانسپورٹ کو دیاجائے: ڈی سی تمنا

ریاستی وزیر برائے ٹرانسپورٹ ڈی ۔ سی تمنا نے کہا کہ سرکاری بسوں کے کرایہ میں تین ماہ میں ایک مرتبہ نظر ثانی کرنے کے اختیارات کرنا ٹک اسٹیٹ روڈ ٹرانسپورٹ کارپوریشن کو دینے کیلئے حکومت کو تجویز پیش کی گئی ہے ۔

یتنا ہولے اسکیم سے فائدہ اٹھانے تالابوں کو صاف کریں پردھان منتری سڑک یوجنا کے تحت کوئی رقم نہیں ملی: ویرپا موئیلی

رکن پارلیمان و سابق وزیر اعلیٰ ایم ویر پا موئیلی نے کہا کہ تالابوں کے خودرو پودوں کو ہٹانے کیلئے افسروں کوہدایت دی ۔ ضلع پنچایت کانفرنس ہال میں سہ ماہی ( دشا) اجلاس میں شرکت کرتے ہوئے رکن پارلیمان نے کہا کہ جالی پودے تالابوں کے آبی سطح کو کم کررہے ہیں۔

وقف بورڈ انتخابات تمام امیدواروں کو ڈیویژنوں کی تفصیل جاری

آئندہ 2مارچ کو ریاستی وقف بورڈ کے ہونے والے انتخابات سے متعلق آج سہ پہر 3بجے یہاں رٹرنگ افسر کے دفتر میں امیدواروں کاایک اجلاس طلب کیا گیا تھا۔ جس میں سوائے ایک امیدوار ذیشان علی کے دیگر 13امیدوار بذات خود یا ان کے نمائندوں نے شرکت کی۔

بنگلور میں ائرو انڈیا شو کے دوران پارکنگ احاطہ میں اچانک آگ؛ قابو پانے تک سوسے زائد سواریاں جل کر خاکستر

ائیرو انڈیا شوکے چوتھے دن بنگلور کے یلہنکا ائرفورس اسٹیشن کے پارکنگ والی جگہ پر اچانک آگ لگنے سے  150 سے زائد سواریاں شعلہ پوش ہونے کی اطلاع موصول ہوئی ہے۔ آگ لگنے کی یہ واردات آج سنیچر صبح پیش آئی۔

اکرم پاشاہ ہاسن ضلع کے نئے ڈپٹی کمشنر

ہاسن ضلع کے نئے ڈپٹی کمشنر اکرم پاشاہ آئی اے ایس نے آج عہدہ کا جائزہ لے لیا ۔ 2012ء میں آئی اے ایس افسر کی حیثیت سے ترقی پانے والے اکرم پاشاہ اس سے پہلے ساڑھے پانچ سال مائنارٹی ڈائرکٹوریٹ میں ڈائرکٹرکی حیثیت سے بہترین خدمات انجام دے چکے ہیں ۔