ریاستی انتخابات میں پریانکا گاندھی ساحلی علاقوں میں انتخابی مہم چلائیں گی
بنگلورو22؍اپریل(ایس او نیوز) کانگریس پارٹی میں راجیو گاندھی کے بعد یوتھ آئکان کا نام سب سے زیادہ پریا نکا گاندھی کے لئے استعمال کیاجارہاہے۔ کانگریس پارٹی راہل گاندھی کے بجائے پریانکا گاندھی سے انتخابی مہم کے ذریعہ زیادہ فائدہ حاصل کرنے کا ارادہ بنائی ہوئی ہے۔ کانگریس پارٹی کے کئی قائدین کا مطالبہ ہے کہ پریانکا گاندھی کو آگے لایاجائے،مگر سونیا گاندھی راہل گاندھی کو آگے لارہی ہیں۔ اس ضمن میں خود پریانکا گاندھی نے کانگریس کو دوبارہ برسراقتدار لانے کیلئے انتخابی مہم چلانے پر آمادہ نظر آرہی ہیں۔ یہی وجہ ہے کہ پریانکا گاندھی ریاستی اسمبلی انتخابات میں پارٹی کی تشہیری مہم میں شرکت کرنے جارہی ہیں۔ ریاست میں پھر سے برسراقتدار آنے کے مقصدسے ریاستی قائدین پریانکا کے ذریعہ انتخابی مہم چلانے کا فیصلہ کیاہے۔ پریانکا کے ذریعہ اگر ریاست میں انتخابی مہم چلائی جائے تو پارٹی کو زیادہ فائدہ ہوگا۔ یہ بات اعلی کمان کے علم میں لائی گئی ہے۔ ریاست میں پریانکا کی انتخابی مہم کا اعلان زیادہ نظر آرہا ہے۔ اندرا گاندھی کو پنر جنم دینے والے چکمگلور حلقہ سے پریانکا انتخابی مہم چلائیں گے۔ ہائی کمان کی جانب سے ابھی یہ طے نہیں کیاگیاہے کہ پریانکا ریاست میں انتخابی مہم میں شرکت کرنے والی ہیں۔ راہل گاندھی کے ساتھ پریانکا گاندھی بھی انتخابی مہم چلانے کا قوی امکان ظاہر کیاجارہاہے۔ ابھی تاریخ طے نہیں کی گئی ہے تاہم پریانکا گاندھی کا آنا تقریباً طے ہوگیاہے۔پریانکا گاندھی کی انتخابی مہم سے چکمگلور، منگلور سمیت ساحلی اور ملناڈ علاقوں میں پارٹی کو مزید توانائی حاصل ہوگی۔ لیکن دیکھنا یہ ہے کہ پریانکا گاندھی کی تشہیری مہم میں شرکت سے پارٹی کو کتنا فائدہ ہوگا۔ کیا اس اقدام سے کانگریس کو آسان جیت حاصل ہوگی؟ اس کے جواب کے لئے الیکشن کا نتیجہ آنے تک انتظار کرنا ہوگا۔