گلبرگہ:18/اپریل(ایس او نیوز/آئی این ایس انڈیا)انڈین یو نین مسلم لیگ ریاست کرناٹک کے سیکریٹری مولا نا محمد نوح سابق چیر مین گلبرگہ سٹی کار پوریشن نے پی کے کنہا لی کٹی قومی جنرل سیکریٹری انڈین یو نین مسلم لیگ کو ممبر لوک سبھا منتخب ہونے پر مبارکباد پیش کی ہے۔ انہوں نے اپنے ایک بیان میں کہا ہے کہ پی کے کنہالی کٹی نے انڈین یونین مسلم لیگ کے لئے نہایت با وقار رہے حلقہ لوک سبھا ملاپو ر م سے5,15,323ووٹ حا صل کرتے ہوئے مسلم لیگ کی تاریخی کامیا بی کو برقرار رکھا ہے۔ انہوں نے اپنے قریبی حریف سے سی پی آئی ایم کے ایم بی فیضل کو ایک لاکھ 73ہزار ووٹو ں کی بر تر ی حاصل کر تے ہوئے شکست دی ہے۔ ایم بی فیضل نے 3,44,287ووٹ حاصل کئے جبکہ بی جے پی امید وار نے صر ف 65,662ووٹ حا صل کئے۔اس حلقہ سے انڈین یونین مسلم لیگ کے قومی صدر الحاج ای احمد سابق مرکزی وزیر خارجہ نمائندگی کر تے تھے۔ اُن کے انتقال کر جانے کے بعد اس حلقہ میں ضمنی انتخاب ہوا۔مولا نا محمد نوح نے مزید کہا ہے کہ آزادی کے بعد سے اس حلقے سے مسلم لیگ کے قائدین کی منتخب ہوتے رہے ہیں۔قائد ملت مولوی محمد اسمیل صاحب اس حلقہ سے پہلی بار منتخب ہوئے۔ اُن کے بعد سی ایچ کویا سابق چیف منسٹر، الحاج ابراہیم سلیمان سیٹھ، الحاج غلام محمود بنا ت والا صاحب اور ای احمد اس حلقہ سے مسلسل منتخب ہوئے۔ پی کے کنہالی کٹی پہلی بار ایم پی منتخب ہوئے ہیں جبکہ وہ 8مرتبہ ایم ایل اے اور 3مرتبہ کابینی وزیر رہے ہیں۔ الحاج ای احمد کے انتقال کے بعد قومی جنرل سیکریٹر ی او ر اب ایم پی منتخب ہونے کے بعد پی کے کنہالی کٹی قومی سیا ست میں داخل ہوئے ہیں۔ اُ ن سے توقع ہے کہ وہ ملک میں سیکولر طاقتوں کو مستحکم بنا نے اور فرقہ پرست وفاشٹ طاقتوں کی سازشوں کو ناکام بنا نے میں اہم رول ادا کریں گے۔