نئے صدر کووند کو جسٹس کرن نے سزا معافی کی عرضی دی
کولکاتہ 25جولائی(ایس او نیوز؍آئی این ایس انڈیا)کولکاتہ ہائی کورٹ کے سابق جج سی ایس کرن نے منگل کو نئے صدر رام ناتھ کووند کے عہدہ سنبھالتے ہوئے خود کو ملی چھ ماہ کی سزا منسوخ کرنے کی درخواست کی ہے۔غور طلب ہے کہ کرن خود دلت ہونے کے چلتے ہراساں کئے جانے کا الزام لگاتے رہے ہیں اور نئے صدر کووند بھی دلت ہیں۔سابق جج کرن نے اپنے وکیل میتھیو جے نیدمپارا کے ذریعے کووندکو میمورنڈم بھیجا۔نیدمپارا نے بتایا کہ کرن کا ایک میمورنڈم آج صدر کے دفتر میں کیا گیا جس میں انہیں سنائی گئی چھ ماہ کی قید کی سزا منسوخ کرنے کا مطالبہ کیا گیا ہے۔نیدمپارا نے کہا کہ ہم جتنی جلدی ممکن ہو اس صورت میں صدرسے سماعت چاہتے ہیں۔ہم صدرکے دفتر کے رابطے میں ہیں۔یہ میمورنڈم آئین کے آرٹیکل 72کے تحت دیا گیاہے۔