نئی دہلی،02 ؍فروری ( ایس او نیوز؍آئی این ایس انڈیا) امریکہ میں ہندوستانی سفارت خانے نے’پے اینڈ اسٹے‘یونیورسٹی ویزا گھوٹالے میں امریکی حکام کی طرف سے گرفتار کئے گئے 129 ہندوستانی طالب علموں کی مدد کے لئے چوبیس گھنٹے ہاٹ لائن شروع کی ہے۔

غور طلب ہے کہ امریکہ میں رہنے کے لئے ایک جعلی یونیورسٹی میں داخلہ لینے کے لئے گرفتار کئے گئے 130 غیر ملکی طالب علموں میں 129 ہندوستانی ہیں۔ حکام نے جمعہ کو بتایا کہ ہندوستانی سفارت خانے کے دو سینئر افسر دو نمبروں202-322-1190 اور 202-340-2590 پر چوبیس گھنٹے دستیاب رہیں گے۔اس کے علاوہ گرفتار طالب علم، ان کے دوست اور خاندان کے رکن سفارت خانے سے [email protected]رابطہ کر سکتے ہیں۔ہندوستانی سفارت خانے نے ہندوستان کی طرف سے چلائے جا رہے ’پے اینڈ اسٹے‘گروہ کا پردہ فاش ہونے سے متاثر ہوئے ہندوستانی طالب علموں کی مدد سے متعلق تمام مسائل سے نمٹنے کے لئے ایک نوڈل افسر مقرر کیا ہے۔اس واقعہ سے کم از کم 600 طالب علم مصیبت میں پھنس گئے ہیں۔امریکی امیگریشن اور کسٹم نفاذ محکمہ نے جمعرات تک گریٹر ڈیٹرائٹ علاقے میں پھرمگٹن یونیورسٹی سے 130 طالب علموں کو گرفتار کیا تھا۔ہندوستانی سفارت خانے نے کہاکہ ہندوستانی سفارت خانے، واشنگٹن اور امریکہ میں تمام پانچ قونصل خانے امریکہ میں حراست میں لئے گئے ہندوستانی طالب علموں کی مدد کے لئے مل کر کام کر رہے ہیں۔