بھیوجی مہاراج خودکشی کیس میں قریبی سمیت 3افرادگرفتار،بھیجے گئے جیل
بھوپال:19/ جنوری (ایس اونیوز /آئی این ایس انڈیا)مدھیہ پردیش کے معروف بھیوجی مہاراج خودکشی کیس کے معاملے میں اندور پولیس نے بڑے خلاصے کیے ہیں۔پولیس نے کیس میں ایک خاتون سمیت 3افراد کو گرفتار کر لیا ہے، جن میں سے ایک مقتول کاسب سے قریبی سیوادار ہے۔ اندور ڈی آئی جی ہری نارائن چاری مشرا نے بتایا کہ اس معاملے میں ان کے سب سے خاص سیوادار ونایک ددھالے، ایک شخص شرد دیشمکھ اور ایک لڑکی پلک کو گرفتار کیا گیا ہے۔پولیس کے مطابق یہ تینوں افراد بھیوجی مہاراج کو بلیک میل کر رہے تھے، جس کے لئے وہ مالی اور ذہنی طور پر تشدد کا شکار تھے۔ڈی آئی جی کے مطابق پولیس نے خودکشی ایکٹ، 120Bاور غیر قانونی وصولی کے 384کے سیکشن 306کے تحت مقدمہ درج کیا ہے۔عدالت میں پیش کرنے کے بعد تین ملزمان کو جیل بھیج دیا گیا ہے۔
بتادیں کہ بھیوجی مہاراج نے اپنے خودکشی نوٹ میں ونایک کا ذکر کیاتھا کیونکہ وہ بھیوجی کا16سالہ وفادار ملازم تھا، آخری رسومات میں ونایک بھی شامل ہوا تھا اورپھوٹ پھوٹ کررویاتھا۔