15سال کے بعد بیدرکے تین مسلم نوجوان با عزت بری 

Source: S.O. News Service | By Shahid Mukhtesar | Published on 13th August 2017, 1:27 AM | ریاستی خبریں |

بیدر،11/اگست(ایس او نیوز/محمدامین نوازبیدر)جناب سید منصور احمد قادری انجینئر صدر کُل ہند مجلس اتحاد اُلمسلمین بیدر نے ایک صحافتی بیان جاری کرتے ہوئے بیگم پیٹ حیدرآباد کے ٹاسک فورس آفس میں ہوئے بم دھماکہ میں ملوث قرار دیتے ہوئے بیدر سے بھی تین نواجوانوں کو آندھراپردیش پولیس نے گرفتار کیا تھا جنھیں بغیر کسی ٹھوس ثبوت کے نہ صرف گذشتہ15سال محروس رکھا بلکہ اس دوران اُنھیں طرح طرح کی اذیتیں بھی دی گئیں اور حد تو یہ ہوگئی کہ وہاں کی پولیس نے باربار اعتراضات کے ادخال کے ذریعے ان بے گناہ ملزمین کی ضمانت ہونے میں بھی رکاؤٹیں ڈالتی رہی‘ بالآخر کل یعنی 10اگست 2017کو نامپلی کریمنل کورٹ نے ایک تاریخ ساز فیصلہ سناتے ہوئے اس واقعہ میں گرفتار کئے گئے تمام ملزمین کو تمام سنگین الزامات سے مبرا قرار دیتے ہوئے باعزت بری کردیا۔

صدرِ مجلس بیدر نے رہا کئے گئے تمام نوجوانوں میں بیدر سے تعلق رکھنے والے محمد محمود بارود والا‘سید عظمت علی اور اجمل خان کو ان کی باعزت رہائی پر مبارکباد پیش کی اور کہا کہ بے گناہ ہوتے ہوئے ظالموں کے ہاتھوں قید و بند کی صعوبتوں کو برداشت کرنا انبیاء اور اولیاء کرام کی سنت ہے۔اللہ تعالی ان تمام بے گناہ نوجوانوں کو ان گذرے ہوئے قیمتی سالوں کا بہترین بدل عطا فرمائے گا۔ جناب قادری نے حکومت سے ان تمام پولیس اہلکاروں کے خلاف سخت کارروائی کا مطالبہ کیا جو بغیر کسی ابتدائی تحقیقات کے ان معصوم مسلم نوجوانوں کو گرفتار کرلیا جن کے خلاف وہ گذشتہ 15سال میں بھی ثبوت اکٹھا نہیں کرپائے ساتھ ہی ساتھ جناب سید منصور احمد قادری نے کہا کہ وہ اپنے اور اپنی اُمت کے خلاف ہونے والی ہر ناانصافی کے خلاف آواز اُٹھائیں جس کیلئے چاہے کچھ بھی قربان کرنا کیوں نہ پڑے۔

ایک نظر اس پر بھی

کرناٹک میں عازمین حج سے ضرورت سے زائد رقم کی جارہی ہے وصول ، نئے وزیرحج ضمیراحمد خان کا الزام

کرناٹک کے نئے وزیرحج ضمیراحمد خان نے الزام عائد کیا ہے کہ سفرحج کےنام پر عازمین حج کو لوٹا جارہاہے۔ بنگلورو میں ضمیراحمد خان نے کہاکہ مرکزی حج کمیٹی عازمین حج سے کیوں زائد رقم وصول کررہی ہے؟ ضمیر احمد خان نے اس پورے معاملے میں اشاروں ہی اشاروں میں  ہیراپھیری کا بھی الزام ...

جنرک میڈیکل اسٹورس میں دوائیوں کی مانگ پوری کی جائیگی منظم نیٹ ورک کے ذریعہ دوائیاں تقسیم کرنے کیلئے نیا سافٹ ویر تیار ہوگا : اننت کمار

مرکزی حکومت کی طرف سے قائم کردہ جنرک میڈیکل اسٹورس میں دوائیوں کی مانگ میں جو دن بہ دن اضافہ ہورہاہے اس کے متعلق مرکزی حکومت کو حال ہی میں اطلاع ملی ہے ۔ مزید ایک ماہ میں یہ مسئلہ حل کرلیا جائے گا۔

حج بھون کے معاملے کو لے کر بی جے پی کی سیاسی رنگ دینے کی کوشش؛ ضمیر احمد نے شوبھا کرندلاجے سے کہا؛ اپنے مفاد کے لئے گندی سیاست اور عوام کو گمراہ نہ کریں

ریاستی وزیر برائے اقلیتی امور،اوقاف وحج وغذا شہری رسد بی زیڈ ضمیر احمد خان نے کہا کہ حج گھر کو حضرت ٹیپو سلطان شہیدؒ کے نام سے منسوب کرنے کو لے کر فرقہ پرست جماعت گندی سیاست نہ کرے۔

بنگلورو میں سڑک پر ملے یتیم بچے کو دودھ پلانے والی کانسٹیبل کی عزت افزائی

کوڑا کرکٹ کے ذخیرہ سے قریب ملے یتیم بچے کی جان بچانے کے لئے اپنا دودھ پلاکر انسانیت کی مثال قائم کرنے والی الیکٹرانک سٹی پولیس تھانے کی خاتون کانسٹیبل ارچناکو مےئر سمپت راج نے آج اپنے دفتر میں اس اقدام کو سراہتے ہوئے تہنیت پیش کی۔ مےئر سمپت راج نے اپنے دفترمیں ارچنا کو ایک ...

کے پی سی سی صدارت حاصل کرنے ایچ کے پاٹل اور دنیش گنڈوراؤ کے درمیان رسہ کشی منی اپا بھی دعویدار۔ پاٹل دوڑمیں آگے،کئی سینئر لیڈروں کی تائید حاصل

کرناٹک پردیش کانگریس کمیٹی( کے پی سی سی) کے صدر کا عہدہ حاصل کرنے کے لئے ریاستی لیڈروں کے درمیان رسہ کشی جاری ہے۔ ایک دن ایک لیڈر کے نام کا اعلان ہوتا ہے تو دوسرے دن کسی دوسرے لیڈر کا نام لیا جاتا ہے۔

ڈاکٹر جی پرمیشور بنگلور کو ’’جنگی پیمانہ‘‘ پر بچانا چاہتے ہیں

شہری مسائل جو ہمارے شہر گلستاں بنگلور کو سالوں سے پریشان کئے ہوئے ہیں وہ اب بہت جلد ماضی کا باب بننے والے ہیں ، اس لئے کہ ریاستی حکومت نے کہا ہے کہ وہ اس تیز رفتاری کے ساتھ بڑھتے ہوئے شہر کو پلاسٹک سے پاک کر دے گی اور شہر کے تالابوں کو آلودگی سے محفوظ رکھنے کے لئے جنگی پیمانہ پر ...