ہبلی:20/اگست (ایس اؤنیوز)ریاستی عوام کو سرکاری بسوں میں سفر کرنےکی ترغیب دینے کے لئے محکمہ ٹرانسپورٹ کے ذریعے ہر ماہ 20تاریخ کو ’’بس ڈے ‘‘ منایاجارہاہے۔ اس ماہ 20اگست کو ہبلی بس اسٹانڈ میں بس ڈے کو انوکھے اندازمیں مناتے ہوئے تما م مذہبی پیشواؤوں کے ذریعے بس میں سفر کرنے والے مسافروں میں فولڈر تقسیم کرتے ہوئے انہیں ہمیشہ سرکاری بسو ں کے ذریعے ہی سفر کرنے کی اپیل کی گئی ۔ مسافروں کو فولڈر کے ساتھ چاکلیٹ بھی تقسیم کئے گئے۔
محکمہ ٹرانسپورٹ کے افسران نے کہا کہ دراصل اکثر لوگ اپنی کاروں اور بائک کے ذریعے سفر کرنے سے نہ صرف ذاتی اخراجات کا بوجھ بڑھتا ہے اس کے ساتھ ساتھ ماحولیات پر بھی برے اثرات ہوتے ہیں۔ اس سلسلے میں عوام میں بیداری پید اکرنے کے لئے یہ مہم منائے جانے کی بات کہی۔ ہم ہر ماہ الگ الگ فولڈرس کی تقسیم کرتے ہوئے عوام کو سرکاری بسوں میں سفر کرنےکی ترغیب دے رہے ہیں ، ہمیں قومی امیدہے کہ اس کے بہتر نتائج ظاہر ہونگے۔