وزیراعلیٰ آئی ٹی ریڈ سے خوف کھا کر اے سی بی کا غلط استعمال کررہے ہیں: حزب مخالف لیڈر شٹر کا الزام
ہبلی:5/ اکتوبر (ایس اؤنیوز)وزیر اعلیٰ سدرامیا اقتدار کھوجانے کے خوف میں مبتلا ہیں، اسی لئے انہوں نے اے سی بی کا غلط استعمال کرتے ہوئے آئی ٹی افسران پر چھاپہ مارنے کا پلان کیا ہے۔ حالیہ آئی ٹی اور اے سی بی ریڈ کو لے کر جاری گھماسان کے متعلق ودھان سبھا میں حزب مخالف لیڈر جگدیش شٹر نے پریس کانفرنس کے ذریعے ریاستی وزیر اعلیٰ پر الزا م لگایا ۔
بی جےپی لیڈر نے کہاکہ کابینہ کے وزیر ڈی کے شیو کمار پر آئی ٹی ریڈ ہوئی تھی اسی طرح مزید وزراء پر آئی ٹی ریڈ کے خوف سے وزیر اعلیٰ اے سی بی کے ذریعے حملہ کرنا چاہتے ہیں، سدرامیا اپنے سیاسی دشمنوں کو پھنسانے کے لئے ہی اے سی بی کی تشکیل کی ہے رشوت خوری اور بدعنوانی کے سدباب کے لئے نہیں ہونے کا الزام لگایا۔
اسی طرح سابق وزیر اعلیٰ جگدیش شٹر نے لنگایت الگ دھرم کو لے کر جاری جدوجہد پر اظہار خیال کرتے ہوئے کہاکہ ویرشیو اور لنگایت ایک ہی ہے، وزیراعلیٰ دھرم کو تقسیم کرنے کاکام کررہے ہیں، کابینہ کے وزراء ونئے کلکرنی اور ایم بی پاٹل کو کرنےکے اور بھی کام ہیں، لیکن وہ سب چھوڑچھاڑ کر لنگایت دھرم کے پیچھے پڑے ہیں، ان دونوں وزراء کو استعفیٰ دے کر مٹھ تعمیر کرکے ونئے سوامی جی اور پاٹل سوامی جی بننے کی صلاح دیتے ہوئے مذاق اڑایا۔
