ہبلی میں پاگل کتے نے مچایا بھوال؛ 6بچوں سمیت 10سے زائد افراد کوکیا زخمی : نگرپالیکاکی خاموشی پر عوام برہم
ہبلی:18/اگست (ایس اؤنیوز) ہبلی میں ایک پاگل کتے نے اُس وقت بھوال کردیا، جب کتے نے ایک ساتھ دس سے زائد لوگوں پر حملہ کرتے ہوئے اُنہیں کاٹ کھایا۔ جس میں دس بچے بھی شامل ہیں۔
ذرائع سے ملی اطلاع کے مطابق ایک گھر کے صحن میں بچے آپس میں کھیل رہے تھے کہ اچانک ایک پاگل کتے نے حملہ کردیا اور ایک کے بعد ایک چھ بچوں کو کاٹنے لگا، بچوں کو کاٹتے دیکھ کر قریب میں موجود لوگوں نے بچوں کو بچانے کی کوشش کی اور پاگل کتے کو وہاں سے بھگانے کی کوشش کی جس کے دوران کتے نے اُن لوگوں پر بھی حملہ کرتے ہوئے اُنہیں بھی کاٹ لیا۔
واردات میں چھ بچوں سمیت دس سے زائد لوگوں کو کمس اسپتال میں داخل کیا گیا ہے، جہاں اُن کا علاج جاری ہے۔
ہبلی دھارواڑ جڑواں شہروں میں پھر سے کتوں کی آوارہ گردی اور کاٹنے سے عوام سخت پریشان ہیں۔اور بار بار کتوں کے حملوں سےبچے ، بوڑھے، مردو خواتین زخمی ہونے پر بھی پالیکا کی خاموشی پر سخت برہمی کا اظہار کررہے ہیں، عوام نے نگر پالیکا پر زور دیا ہے کہ وہ فوری اقدامات کرے ۔