ہبلی:23/ اکتوبر (ایس اؤنیوز)ہبلی دھارواڑ مہا نگر پالیکا کے موظف ملازمین کی پنشن رقم اداکرنے میں دیری اور اس سلسلے میں ضلع نگراں کاروزیر ونئے کلکرنی کا غیر ذمہ دارانہ بیان پھر ریاستی حکومت کی ناکامی کی مذمت کرتے ہوئے شہر میں بی جے پی کے ہبلی دھارواڑ مہانگر ایس ٹی شعبہ کے کارکنان نے احتجاج کیا۔
احتجاجی کارکنوں نے اپنا دکھڑا سناتے ہوئے کہاکہ ریاستی حکومت رشوت خوری میں ڈوب گئی ہے کوئی عوامی کام نہیں کررہی ہے، صرف وقت گزاری کرتےہوئے عوام کو دھوکہ دے رہی ہے۔ دوسری طرف ضلع نگراں کاروزیر ضلع کی ترقی کو بھول کر دھرم، ذات کے پیچھے پڑ گئے ہیں۔ ایم پی کے تعلق بہت ہی سطحی باتیں کررہے ہیں ، کوئی ترقی جات کام نہیں کرنے کا الزام لگایا۔ ودھا ن پریشد کے رکن پردیپ شٹر، بی جے پی مہانگر پالیکا کے صدر ناگیش کلبرگی ، پالیکا ممبر گنیش وغیرہ موجود تھے۔ اس کے بعدامبیڈکر سرکل سے احتجاجی ریلی نکالتے ہوئے تحصیلدار دفتر پہنچ کر میمورنڈم سونپا۔