ہبلی:14/ نومبر (ایس اؤنیوز)پچھلے دو چار دنوں سے ودھان سبھا میں حزب مخالف لیڈر جگدیش شٹر کے گھر کے روبرو کلسا بنڈوری مسئلہ کو حل کرنے کا مطالبہ لےکر احتجا ج پر بیٹھے کسانوں سے آج بی جے پی کے ریاستی صدر بی ایس یڈیورپا نے ملاقات کرتے ہوئے مسئلہ کو حل کرنے کا تیقن دئیے جانے کے بعد احتجاج واپس لیا۔
ہبلی کے مدھورا اسٹیٹ میں واقع جگدیش شٹر کے گھر کے سامنے گذشتہ تین دنوں سے کسانوں کی طرف سے دن رات کا احتجاج جاری تھا۔ آج بی جے پی کے ریاستی صدر بی ایس یڈیورپا نے احتجاجی کسانوں سے ملاقات کرتےہوئے بات چیت کی اور بتایا کہ وہ ازخود ریاست گوا کے وزیر اعلیٰ سے کلسا بنڈوری معاملے میں گفتگوکرکے 7.56ٹی ایم سی پانی پینے کے لئے فراہم کرنے کی یقین دہانی کرائی ۔ احتجاجی کسانوں نے ان کی بات پر یقین کرتےہوئے اپنا احتجاج ختم کیا۔ اس موقع پر یڈیورپا نے کلسا بنڈوری مسئلے کے لئے کانگریس کو ذمہ دار ٹھہرایا۔