اسمبلی میں جی ایس ٹی بل پیش
بنگلور ،7جون (ایس او نیوز ) اب جبکہ مرکزی حکومت کی جانب سے جی ایس ٹی کے نفاذ کے لئے ایک ماہ سے بھی کم وقت رہ گیا ہے ' کانگریس حکمرانی والی ریاست کرناٹک نے کرناٹک گڈس اینڈ سرویسس ٹیکس بل 2017 پیش کردیا۔وزیراعلیٰ سدارامیا جو فائنانس کا بھی قلمدان رکھتے ہیں ' نے کرناٹک ریاست کی جانب سے بین ریاست اشیاء کی سپلائی یا خدمات پر ٹیکس کی وصولی کی شق کیلئے بل ایوان زیریں میں پیش کیا۔کرناٹک ان سات ریاستوں میگھالیہ ' پنجاب ' تمل ناڈو ' کیرل ' جموں و کشمیر اور مغربی بنگال میں شامل ہے جنہوں نے ہنوز ایس جی ایس ٹی قانون کو منظوری نہیں دی ہے ۔جموں و کشمیر کے ماسوا جہاں بی جے پی ' پی ڈی پی کی اتحادی حکومت ہے ' تمام غیر بی جے پی ریاستیں ہیں۔ اتفاق کی بات یہ ہے کہ یو پی اے II-کے دورمیں کانگریس نے جی ایس ٹی بل پیش کیا تھا اور ریاست میں ان کی پارٹی نے اس کی مکمل حمایت کی تھی۔جی ایس ٹی کے تحت تمام راست اور بالواسطہ محاصل کو ایک جگہ کیا گیا ہے جس کا نفاذ اشیاء کی سپلائی یا خدمات دونوں پر ہوگا۔اسی دوران سدارامیا نے کرناٹک سیلس ٹیکس ترمیمی بل 2017پیش کیا،تاکہ کرناٹک سیلس ٹیکس ایکٹ 1957ء میں ترمیم کی جاسکے ۔
