گورکھپورسانحہ:جب یوگی نے دورہ کیاتوپھرلاپرواہی کیسے ہوئی،براہِ راست بی جے پی سرکارذمہ دار، اپوزیشن نے سی ایم یوگی سے مانگااستعفیٰ، وزیر موریانے کہا، جلدبازی نہ کریں

Source: S.O. News Service | By Shahid Mukhtesar | Published on 13th August 2017, 11:49 AM | ملکی خبریں |

گورکھپور،12؍اگست(ایس او نیوز؍آئی این ایس انڈیا) اتر پردیش کے وزیر یوگی آدتیہ ناتھ کے ہوم ڈسٹرکٹ گورکھپور کے بی آر ڈی میڈیکل کالج میں محض36 گھنٹے میں30 معصوموں کی موت نے ریاستی حکومت اور ریاستی انتظامیہ پر کئی سوال کھڑے کر دیئے ہیں۔ پچھلی حکومتوں پر لچر طریقہ کار کا الزام لگا کر اقتدار میں آئی میں بی جے پی کے راج میں اتفاق سے اتنی تعداد میں بچوں کی موت کے واقعہ نے اپوزیشن کو بھی حملہ آور ہونے کا موقع دے دیا ہے۔ لیکن حکومت کے رویے سے لگتاہے کہ خودکی ذمہ داری لینے کے بجائے ڈاکٹروں پرہی گاج کراکرغصے کوٹھنڈاکرنے کی کوشش کی جائے گی کیونکہ اگرگیس کی کمی پیسے کے عدم ادائیگی کی وجہ سے ہوئی اورباربارریمانڈرملنے کے باوجودلاپرواہی کی وجہ سے ہوئی توبراہِ راست یوگی سرکارذمہ دارہے نہ کہ ڈاکٹر،لیکن ڈاکٹروں پرہی گاج کراکرمعاملے کوخاموشی کے ساتھ دبادیاجائے گا۔جیساکہ اب بیان آرہاہے کہ گیس کی کمی کے علاوہ اوربھی وجوہات ہوسکتی ہیں۔ریاست میں اہم اپوزیشن ایس پی کے ساتھ بی ایس پی اور کانگریس کے بڑے لیڈروں نے اس واقعہ پر افسوس کا اظہار کرنے کے ساتھ یوگی حکومت کے طریقہ کار پر سوال کھڑے کئے ہیں۔ اپوزیشن کے سارے لیڈر متحد ہوکر پوچھ رہے ہیں کہ جب وزیر اعلی یوگی نے تین دن پہلے ہی بی آر ڈی میڈیکل کالج کا دورہ کیا تھا تو وہاں اتنی بڑی لاپرواہی کیسے ہوئی۔یوپی کے نائب وزیر اعلی کیشو پرساد موریہ نے کہا کہ اپوزیشن جلد بازی میں ہے اور ریاست کی حکومت عوام کی خدمت کے لیے مصروف عمل ہے، قصورواروں کے خلاف یوپی حکومت سخت کارروائی کرے گی۔ یوپی حکومت کے وزیر آشوتوش ٹنڈن نے کہا کہ سی ایم یوگی پورے معاملے پر نظر بنائے ہوئے ہیں۔ انہوں نے مجھ سے اور وزیر صحت سے معلومات بھی مانگی ہے، ہم گورکھپور سے لوٹ کر سی ایم کو پورے معاملے کی اطلاع دیں گے۔ ریاست کے وزیر صحت سدھارتھ ناتھ سنگھ جب واقعہ کی جائزہ میٹنگ میں شامل ہونے نکلے تو انہوں نے کچھ بھی بولنے سے صاف انکار کر دیا۔

ایک نظر اس پر بھی

اروندر سنگھ لولی کی کانگریس میں واپسی، بی جے پی میں نظریاتی طور پر ’’بے میل ‘‘تھا :اروندسنگھ لولی

دہلی کانگریس کے سابق صدر اروندرسنگھ لولی کی آج کانگریس میں’’ گھر واپسی‘‘ ہو گئی۔ کچھ ماہ قبل پارٹی چھوڑ کر بی جے پی میں شامل ہوئے لولی نے کہا کہ وہ نے کہا کہ وہاں وہ ’’ نظریاتی طور پر بے میل ‘‘ تھے۔

گورکھپوراورپھول پور لوک سبھا ضمنی الیکشن کے لیے کانگریس نے امیدواروں کے نام کااعلان کیا

کانگریس نے گورکھپور اور پھول پورلوک سبھا سیٹوں پر ضمنی انتخابات کے لیے اپنے امیدواروں کااعلان کر دیاہے۔اتر پردیش کانگریس کے ترجمان وریندر مدان نے بتایا کہ پارٹی نے ڈاکٹر سرہیتا کریم کو گورکھپور اور منیش مشرا کو پھول پور لوک سبھاسیٹ پر ضمنی انتخاب کے لیے امیدواربنایاہے۔

تری پورہ اسمبلی الیکشن کے لئے تمام تیاریاں مکمل؛کل ہوگی ووٹنگ

تری پورہ میں اسمبلی کے انتخابات کے لیے تمام تیاریاں مکمل ہو چکی ہیں۔جمعہ کو انتخابی مہم ختم ہونے کے بعد،اتوار کے روز سب کی نگاہیں اب ووٹنگ پرہیں۔دراصل، تری پورہ میں کل یعنی اتوار کو انتخابات ہونے ہیں اور بھارتیہ جنتا پارٹی ان انتخابات میں حکمران بائیں محاذ کے سامنے اہم ...