چنتامنی میں لڑکیوں کے ہاسٹل کا رکن اسمبلی کرشنا ریڈی کے ہاتھوں افتتاح
چنتامنی:25 نومبر(سید اسلم پاشاہ؍ایس او نیوز) ایک انسان اسی وقت مکمل انسان کہلاتا ہے جب علم کی روشنی سے آشنا ہو علم نہ صرف انسان کو نکھارتی ہے، بلکہ وہ علم کے بل بوتے پر سماج اور ملک کی تعمیر نو میں اہم کردار ادا کرتیہے جو فراست ایک پڑھے لکھے کو حاصل ہوتی ہے وہ کسی جاہل کو کبھی حاصل نہیں ہوسکتی ہے تعلیم یافتہ فرد اپنے قول و فعل دونوں سے دوسروں کے لئے سود مند ثابت ہوتا ہے آج کے اس جدید دور میں تعلیم ہی اہم مقام اور درجہ دلاتا ہے جو فرد تعلیم سے محروم ہوتا ہے وہ زندگی کی لذتوں سے محروم قرار دیا گیا ہے ان خیالات کا اظہار چنتامنی کے رُکن اسمبلی جے کے کرشناریڈی نے کیا ۔ وہ آج یہاں تعلقہ کے دوڈ گنجور گاؤں میں تقریبا 2کروڑ روپیوں کی لاگت سے تعمیر لڑکیوں کے ہاسٹل کا افتتاح کرنے کے بعد منعقدہ جلسہ سے خطاب کررہے تھے۔
انہوں نے کہا کہ بچوں کے لئے عمدہ تعلیم مہیا کروانے کی غرض سے حکومت سالانہ کروڑوں روپئے خرچ کررہی ہے جبکہ اسی تعلیم کے لئے پرائیویٹ ادارے تعلیم کے نام پر ہزاروں روپئے ڈونیشن اور فیس لے رہے ہیں انہوں نے والدین سے بچوں کو سرکاری اسکولوں میں داخلہ دلوانے کی اپیل کرتے ہوئے کہا کہ پرائیویٹ اسکولوں اور کالجوں میں فی بچے کی تعلیم کے لئے والدین کو ماہانہ 5ہزار خرچ آتا ہے جبکہ سرکاری اسکولوں میں بچوں کو مفت نصابی کتابیں نوٹ بکس گرم کھانا اور شیر ابھاگیہ کے تحت مفت دودھ مہیا کرنے کے علاوہ بچوں کی نشونما کے لئے مفت ہیلتھ چیک آپ اور دوائیاں دی جاتی ہیں ۔
تعلق پنچایت نائب صدر سرنیواس نے خطاب کرتے ہوئے کہا کہ عمدہ تعلیم کے ہمراہ اگر بچوں کو ادبی ،فنی اور ثقافتی ہنر مندی کی تعلیم سے آراستہ وپیر استہ کیا جائے تو بچوں کے اندر مزید اعتماد بحال ہوگا اور کسی ایک شعبے کا انتخاب کرنے میں آسانی ہوگی ایک طالب علم کی ترقی اسی وقت ہوسکتی ہے جب وہ ذہنی اور جسمانی طور پر مکمل تیار ہوجائے اس کے لئے صرف روایتی تعلیم پر اکتفا کرنے کی بجائے طلبہ کہ چاہئے کہ وہ اپنے اندر چھپی ہوئی صلاحیتوں کو منظر عام پر لائیں چار دیوار ی میں بیٹھ کر تعلیم حاصل کرنے والے بچوں کو چاہئے کہ وہ کھیل اور ہنر مندی جیسے دیگر پرگراموں میں حصہ لیکر اپنی صلاحیتوں کو آزمائیں۔
اس موقع پرتعلقہ پنچایت صدر شنتما آر ایم ایس آفیسر جیارام ریڈی بلاک ایجوکیشن آفسیر محمد خلیل رویندرہ گوڈا گرام پنچایت رُکن رحمت النساء انجنیاریڈی رام کرشنپا وینکٹ ریڈی کے علاوہ کئی احباب موجود رہے ۔
