نئی دہلی 11/ڈسمبر (ایس او نیوز/ایجنسی)   تین ریاستوں مدھیہ پردیش، راجستھان اور چھتیس گڑھ میں کانگریس  کی شاندار کامیابی کے بعد کانگریس صدر راہول گاندھی نے  دعوے کے ساتھ کہا ہے کہ ہم پارلیمانی انتخابات میں بھی اسی طرح بی جے پی کو شکست دیں گے۔ ملک کے وزیراعظم نریندر مودی کو ایک طرف راہول گاندھی کو پپّو  پپّو کہہ کر اُس کا مذاق اُڑانا  بے حد مہنگا ثابت ہوا، وہیں دوسری طرف شہروں کے نام  تبدیل کرنے  والے یوگی آدتیہ ناتھ کو  عوام نے بتادیا کہ وہ  مسلم ناموں کے ساتھ منسلک شہروں کے نام تبدیل کرنے  والوں کے ساتھ نہیں ہیں۔ تین ریاستوں میں کانگریس کی شاندار گھرواپسی کے ساتھ ہی  کانگریس کے لیڈران کو آنے والے پارلیمانی انتخابات میں بھی شاندار گھر واپسی کی اُمید ہے۔

تین ریاستوں میں جیت درج کرنے کے بعد کانگریس صدر راہول گاندھی نے پریس کانفرنس میں خطاب کرتے ہوئے کہا کہ ہم نے جن ریاستوں میں بھاجپا کو ہرایا ہے، اگلے پارلیمانی انتخابات میں بھی ہم اُنہیں ہرائیں گے۔ راہول نے کہا کہ  وزیراعظم مودی نے عوام  سے کئے گئے وعدوں کو توڑا ہے جس کی وجہ سے عوام اُن سے دور ہوگئے ہیں۔ راہول نے دعویٰ کیا کہ  وہ 2019 میں پھر سے بھاجپا کو ہرائیں گے، انہوں نے دوسری دو ریاستوں تلنگانہ اور میزورم میں جیت درج کرنے والی دوسری پارٹیوں کو اس موقع پر مبارکباد پیش اور کہا کہ جن تین ریاستوں میں کانگریس کو جیت ہوئی ہے، یہ دراصل کانگریس کے کارکنوں کی جیت ہے، نوجوانوں کی جیت ہے، چھوٹے دکانداروں کی جیت ہے، کسانوں کی جیت ہے۔ انہوں نے کانگریس کی جیت کے ساتھ ہی اس بات کا اعتراف کیا کہ اب کانگریس پر  بھاری ذمہ داری ہے کہ  عوام نے ہمیں  منتخب کیا ہے تو ہم عوام کی تمام باتوں کو سنیں اور اچھی طرح سنیں اور جن ریاستوں میں جو وزیژن دیا گیا ہے، ہم اس کو پورا کریں۔ انہوں نے کہا کہ ہماری لڑائی بھاجپا کی نظریات  سے ہے، ہم نے اُنہیں آج ہرایا ہے  آگے 2019 میں پھر ہرائیں گے۔

راہول گاندھی نے واضح کیا کہ کانگریس پارٹی مُکت بھارت  کا دعویٰ کرنے والوں کو عوام نے اس بار سبق سکھایا ہے اور ہم  کانگریس پارٹی مُکت کرانے کی وچار دھاراوں میں وشواس نہیں کرتے۔ مزید بتایا کہ اپوزیشن کو ختم کرنے کی سوچ بھاجپا کی ہے۔

وزیراعظم نے توڑا روزگار کا وعدہ:
راہول گاندھی نے کہا کہ وزیراعظم نریندر مودی نےروزگار دلانے کا جو وعدہ کیا تھا، اُس کو انہوں نے  توڑ دیا ۔ہماری حکومت کی منشاء ہے کہ ملک کے نوجوانوں کو ملازمت ملے۔ راہول نے کہا کہ حقیقی سوال یہ ہے کہ کس طرح نوجوانوں کو روزگار حاصل ہوسکتا ہے. ہم ان تین ریاستوں میں ان مدعوں  پر کام کرنے والے  ہیں. 

بی جے پی کو ہرایا، لیکن عوام  کے لئے کام کو آگے بڑھائیں گے
راہول نے کہا کہ، دھیہ  پردیش، چھتس گڑھ اور راجستھان میں ہم نے بی جے پی کو شکست دی ہے اور وہاں کے وزیراعلیٰ نے عوام کو لئے جو کام کیا ہے، اُس کے لئے ہم اُن کا  شکریہ ادا کرتے ہیں.اب تبدیلی کا وقت ہے اور ہم اس کام کو آگے لے جانے کی کوشش کریں گے۔

کارکنوں کا شکریہ ادا کیا اور کہا یہ ببر شیر  ہیں
راہول گاندھی نے  کامیابی کے لئے کانگریس کارکنوں کا شکریہ ادا کیا. انہوں نے کہا، "کانگریس کے کارکنوں نے ملک کو بتادیا کہ  الیکشن  کیسے لڑا جاتا ہے۔ انہوں نے  کانگریس  کارکنوں کو  شیر ببر قرار دیتے ہوئے  ان کا شکریہ ادا کیا. '