28؍جنوری کو پہلے مرحلے کا پلس پولیو پروگرام: روہنی سندروی

Source: S.O. News Service | By Shahid Mukhtesar | Published on 11th January 2018, 3:09 PM | ریاستی خبریں |

بنگلورو،10؍جنوری (ایس او نیوز) رواں سال کے پہلے مرحلے کا پلس پولیو پروگرام 28؍جنوری کو ہوگا۔ ضلع میں جملہ 1,23,420بچوں کو اس مرتبہ پولیو خوراک پلانے کا منصوبہ بنایا گیا ہے۔ یہ بات ڈپٹی کمشنر روہنی سندوری نے کہی۔ انہوں نے آج یہاں ڈپٹی کمشنر دفتر میں ضلعی سطح کے پلس پولیو پروگرام کی کمیٹی کی تیاریوں کے اجلاس کی صدارت کرتے ہوئے کہا کہ ضلع کی آبادی 18,34,718ہے۔ شہری اور دیہی علاقوں میں موجود پانچ سال سے کم عمر کے جملہ 1,23,420بچوں کو پلس پولیو خوراک پلائی جائے گی۔ اس سلسلے میں تمام تیاریاں مکمل کرلی جائیں گی ۔ انہوں نے بتایا کہ شہری علاقوں میں 4دن تک اور دیہی علاقوں میں تین دنوں تک پلس پولیو مہم چلانے کا منصوبہ بنایا گیا ہے۔ جس کی نگرانی کیلئے ضلعی سطح کے 18افسروں کو نوڈل آفیسرس کے طور پر مقرر کیا گیا ہے۔ ڈپٹی کمشنر نے مزید بتایا کہ پلس پولیو مہم کو کامیاب بنانے کے مقصد سے ضلع بھر میں جملہ 872بوتھ 59پلاننگ یونٹس قائم کئے گئے ہیں۔اس کے علاوہ 15ٹرانسسٹ اور 9موبائل ٹیمیں تشکیل دی گئی ہیں۔ 3,536وایکسی نیٹرس اور 175سپروائزرس کام انجام دیں گے۔ انہوں نے بتایا کہ محکمہ صحت کے 788افراد پر مشتمل عملہ، 2523آنگن واڑی کا رکن، 1401آشا کارکن، 400بی ایس سی نرسنگ کے طلبہ اس پولیو مہم میں حصہ لیں گے۔روہنی نے مزید بتایا کہ ریلوے اسٹیشنوں، بس اسٹانڈوں، قومی شاہراہوں پر بھی پولیو مراکز قائم کئے جائیں گے ۔ انہوں نے افسروں کو مشورہ دیا کہ پلس پولیو مہم کے بارے میں والدین میں بیداری پید اکرنے کے مقصد سے تشہیری پروگرام پر خصوصی توجہ دیں۔ بینرس، پوسٹرس، اور ہینڈبلس تقسیم کر کے گھر گھر پہنچ کر اور اسکول ،کالج کے طلبہ کے ذریعہ بیداری پیدا کریں۔اس اجلاس میں ضلع پنچایت چیف ایگزی کیٹیو آفسیر کے ایم جانکی، ڈسٹرکٹ ہیلتھ آفیسر ڈاکٹر آر وینکٹیش، ڈسٹرکٹ آر سی ایچ ڈاکٹر جناردھن، ڈسٹرکٹ سرجن ڈاکٹر شنکر کے علاوہ منسپل کمشنر پرمیش اور دیگر موجود تھے۔

ایک نظر اس پر بھی

مسلم نمائیندگی کے فروغ کے لئے مسلم پولیٹیکل فورم کے عہدیداران کا کئی علاقوں کا دورہ

 حیدر آباد کرناٹک مسلم پولیٹیکل فورم کے عہدہ داران مسرز اسد علی انصاری، افضال محمود، معراج کلیان والا اور علیم احمد پر مشتمل ایک وفد نے اس پولیٹیکل فورم کی ضلعی شاخوں کی تشکیل کے لئے 14ستمبر تا 16ستمبر علاقہ حید آباد کرناٹک کے تمام اضلاع کا دورہ کیا ۔14ستمبر کو بیدر میں پولیٹیکل ...

فیڈ ریشن آف کر نا ٹکا مسلم آر گنا ئز یشن رجسٹرڈ چنگیری داونگرے وکر نا ٹکا اردو چلڈرنس اکا دمی شکا ری پو ر کر نا ٹک کا مشتر کہ مشا ورتی اجلاس 

بر وز بد ھ بتا ریخ ۱۹ ستمبر ۲۰۱۸ ؁ کو فیڈ ریشن آف کر نا ٹکا مسلم آرگنا ئز یشن چنگیری داونگرے اور کر نا ٹکا اردو چلڈرنس اکا دمی نے مشتر کہ مشا ورتی اجلا س منعقد کیا ۔ اس اجلا س میں اس با ت پر خاص تو جہ دی گئی کہ ادب اطفال کے فر وغ اور اردو زبان کی تعلیم کے استحکام اور اردو اسکولوں میں ...

تحریک ادب اسلامی کے عظیم المرتبت شاعر جناب ڈاکٹر محمد حسین فطرتؔ کا انتقال پرملال تحریر: ڈاکٹر محمد حنیف شبابؔ

دنیائے اردو ادب میں اسلامی افکار و تصورات کی ترویج و اشاعت کے لئے سرگرم قافلۂ ادب اسلامی کے عظیم المرتبت شاعر و ادیب جناب ڈاکٹر محمد حسین فطرتؔ بھٹکلی نے کچھ عرصے تک ضعف و پیرانہ سالی سے متعلقہ علالت کا شکار رہنے کے بعد 84سال کی عمر میں آج داعئ اجل کو لبیک کہا۔ بعد نماز ظہر جامعہ ...

ہانگل کے ہیرور میں گنیش تہوار کے دوران مسجدپر پتھرائو کے بعدپولس لاٹھی چارج؛ گھروں میں گھس کر خواتین پرحملہ کئے جانے کا الزام

پڑوسی ضلع  ہاویری کے ہیرور میں گنیش تہوار کے موقع پر پتھراو اور پولس لاٹھی چارج کے بعد پولس پر الزامات لگائے جارہے ہیں کہ پولس نے گھروں میں گھس کر خواتین  کی بری طرح پیٹائی کی  ہے اور ۱۵ لوگوں کو گرفتار بھی کیا  ہے، اس تعلق سے سوشیل میڈیا پر زخمی مسلمانوں کے فوٹوز وائرل ہورہے ...

مخلوط حکومت کوکوئی خطرہ نہیں ۔ صورتحال میڈیا کی پیداوار کوئی پارٹی نہیں چھوڑے گا ۔ جارکی ہولی برادران کے مسائل پر مشورہ کرنے سدارامیا دہلی جائیں گے

ریاستی مخلوط حکومت کی بقا کو لے کر پچھلے ایک ہفتہ سے چل رہا ڈرامہ ہنوز جاری ہے ۔ حالانکہ آج وزیر اعلیٰ ایچ ڈی کمار سوامی اور ان کے بھائی ریاستی وزیر برائے تعمیرات عامہ ایچ ڈی ریونا نے مخلوط حکومت کے مستقبل کیلئے خطرہ پیدا کرنے والے جارکی ہولی برادران سے یہاں شہر کے ایک ہوٹل میں ...