بنگلورو10؍اپریل(ایس او نیوز) چک پیٹ اسمبلی حلقہ سے بی جے پی ٹکٹ نہ دینے سے مایوس این آر رمیش کو جنتادل (سکیولر) اپنی پارٹی میں شامل کرکے گاندھی نگر یا چامراج پیٹ اسمبلی سے پارٹی ٹکٹ جاری کرنے پر جنتادل(سکیولر) کے سینئر لیڈران سنجیدگی سے غور کررہے ہیں۔ مذکورہ لیڈران این آر رمیش کو مذکورہ دونوں حلقوں میں سے کسی ایک حلقہ کو منتخب کرنے کا آفر دیاہے۔ لیکن رمیش نے ابھی اپنی کوئی قطعی فیصلہ نہیں سنایاہے۔ اس درمیان بی جے پی پارٹی سے ناراض این آر رمیش سے جنتادل(سکیولر) قومی سربراہ وسابق وزیراعظم ،ایچ ڈی دیوے گوڈا، ریاستی صدر وسابق وزیراعلیٰ ایچ ڈی کمار سوامی نے بذریعہ فون این آر رمیش سے رابطہ کرچکے ہیں۔ اس کے علاوہ جے ڈی ایس کے رکن کونسل شرونا نے بھی رمیش کو اپنی پارٹی میں شمولیت پرضامندی کے لئے دو دور کی بات چیت بھی کرچکے ہیں۔ لیکن بی جے پی سے علاحدگی اختیار کرنے کے بعد کس پارٹی میں شمولیت اختیار کریں گے ابھی کوئی قطعی فیصلہ نہیں لیا۔ بی جے پی اپنی پہلی فہرست کو جاری کرنے کے بعد این آر رمیش انہیں چک پیٹ اسمبلی حلقہ سے پارٹی ٹکٹ جاری نہ کرنے پر پارٹی لیڈران سے کافی ناراض ہیں انہوں نے مرکزی وزیر اننت کمار اور سابق نائب وزیراعلیٰ آر اشوک کو ذمہ دار ٹہرایاتھا۔ اس درمیان ایک اور مرکزی وزیر وریاست میں بی جے پی پارٹی سرگرمیوں کے نگراں کار جاویڈکرنے رمیش کو کوئی بھی قدم نہ اٹھانے اور انتظار کرنے کا مشورہ دیاتھا ، اب وہ جاویڈکر کے جواب کے انتظار میں ہیں۔ اگر کل تک کوئی واضح جواب نہ ملاتو وہ اپنے سیاسی کیرےئر کا اگلا قدم اٹھانے کا اعلان کرنے والے ہیں۔ اس لئے جے ڈی ایس انہیں اپنے خیمے میں لانے کی بھی کوششیں تیز کردی ہیں۔