کرناٹک کے عازمین حج کیلئے قرعہ اندازی
بنگلورو،19؍جنوری (ایس او نیوز) اس مرتبہ سفرحج کیلئے کرناٹک سے عازمین حج کا انتخاب کرنے ہفتہ 20 جنوری شام 6بجے ودھان سودھا کے بینکوئٹ ہال میں آن لائن قرعہ اندازی منعقد ہے ۔ ریاستی وزیر اعلیٰ کے سدارامیا آن لائن قرعہ اندازی کا افتتاح کریں گے ۔ کرناٹک اسٹیٹ حج کمیٹی کے ای او سی فراز خان نے یہ اطلاع دی ہے ۔ اس مرتبہ ریاستی حج کمیٹی کو عرضیاں حاصل کرنے کی آخری تاریخ 22دسمبر 2017 تک 18427 عرضیاں موصول ہوئی ہیں (جن میں 20بچے بھی شامل ہیں) 70برس سے زیادہ عمر کے عرضی گزاروں اورچوتھی مرتبہ درخواست دینے والوں اور بغیر محرم خواتین کو قرعہ کے بغیر قرعہ کے منتخب کرلیا جائے گا۔ریاست کرناٹک کے لئے 6624 حاجیوں کا کوٹہ مقرر ہے ۔ ان میں سے 5938 خوش نصیب عازمین حج کا انتخاب کل قرعہ اندازی کے ذریعہ کیا جائے گاجو عرضی گزارقرعہ اندازی کا عمل دیکھنے کے خواہشمند ہیں ان سے درخواست کی گئی ہے کہ وہ ریاستی حج کمیٹی سے جاری حج پلگریم اکنالجمنٹ لیٹر کے ساتھ اپنا کوئی اصل تصویر والا شناختی کارڈ ساتھ لائیں ۔ودھان سودھا کے گیٹ پر یہ دستاویزدکھانا ضروری ہے ۔ ایک کور کے لئے ایک فرد یعنی ہیڈآف کوریا کوئی ایک عرضی گزار کیلئے داخلہ کی اجازت ہے ۔منتخب عازمین حج کا نتیجہ حج کمیٹی آف انڈیا کے ویب سائٹ www.hajcommittee.com اورwww.karhaj.inکرناٹک اسٹیٹ حج کمیٹی کے ویب سائٹ پر جاری کیا جائے گا۔