ممبئی،21؍نومبر ( ایس او نیوز؍آئی این ایس انڈیا )وزیر اعظم نریندر مودی کو خدائی تحفہ بتانے والے بی جے پی لیڈروں پر طنز کرتے ہوئے اس کی حلیف پار ٹی شیوسینا نے آج کہا کہ شہری خدا ہیں لیکن حکومت نے اپنے عوام کو نوٹ بندی کے ذریعہ بھکاری بنا دیا ۔شیوسینا نے اپنے ترجمان اخبار’سامنا‘ میں کہا کہ غلامی کے دور میں کئی لوگوں نے برطانوی حکومت کو خدا کی حکومت قرار دیا تھا۔شیوسینا نے کہا کہ لیکن برطانوی حکومت خدا کا تحفہ نہیں تھی کیونکہ اس نے صرف عوام کو لوٹا اور اس پر غیر انسانی سلوک کیا تھا ۔شیو سینا کے ترجمان اخبار میں کہا گیا کہ وہ 'پھوٹ ڈالو اور راج کرو کے اصول کی وجہ سے بھارت میں150 سال ڈٹے رہے۔ جو لوگ سمجھتے ہیں کہ موجودہ حکومت خدا کی حکومت ہے، انہیں خدا کی توہین کرنا بند کرنا چاہئے. شہری خدا ہیں اور وہ نوٹ بندی کے غیر معقول فیصلے کی وجہ سے بھکاری بن گئے ہیں۔شیوسینا نے مودی حکومت پر کئی مسائل کا کریڈٹ لینے کے لئے بڑی مقدار میں فنڈز اشتہارات پر خرچ کرنے کا الزام بھی لگایا۔ شیوسینا نے سوال کیا کہ وہ ودربھ میں کیڑوں کی کپاس کی کاشت پر حملے کے متعلق مہر بہ لب کیوں ہے ۔ بلٹ ٹرین پر تیکھے تبصرے میں شیوسینا نے کہا کہ یہ منصوبہ مودی حکومت کا ’’ تحفہ‘‘ ہے۔ انہوں نے پوچھا کہ اس نے تب قرضہ کیوں نہیں لیا جب تین دن پہلے ممبئی میں ملاڈ اور گوریگازی سٹیشنوں کے درمیان پٹری پار کرتے وقت ایک ٹرین سے کچل کر ر تین خواتین کارکنوں کی موت ہو گئی تھی ۔ علاوہ ازیں شیو سینا نے اپنے ترجمان اخبار میں واضح لفظوں میں کہا کہ حکومت تاجروں کے مفاد کو ملحوظ رکھتے ہوئے تمام فیصلے کرتی ہے اور عموماً غریب اور کسان مزدوروں کے مفادات کو پش پشت ڈال دیا ہے جس سے غریب مخالف ہونا ثابت ہوتا ہے ۔