بی بی ایم پی اسکولوں کے بچوں کی عمدہ تعلیم کے لئے ’’ ڈی ڈی روشنی ‘‘پراجکٹ

Source: S.O. News Service | By Jafar Sadique Nooruddin | Published on 7th December 2018, 3:21 AM | ریاستی خبریں |

بنگلورو:6/دسمبر (ایس او نیوز) برہت بنگلور مہانگر پالیکے کے اساتذہ اور طلبا کی مدد کے لئے اسکائپ کے ذریعے اسمارٹ کلاسوں کے اہتمام کے مقصد سے دور درشن کیندرا کے اشتراک سے کئے گئے انتظامات ’’ ڈی ڈی روشنی‘‘ کا آج وزیراعلیٰ ایچ ڈی کمار سوامی نے افتتاح کیا۔ بی بی ایم پی اسکولوں میں دور درشن کے ڈجیٹل چینل کے ذریعے نرسری سے کالج تک خصوصی کلاسس نشر کئے جائیں گے۔ طلبا کے لئے یہ نشریہ روزانہ کیا جائے گا۔ اس کے لئے بی بی ایم پی کی ہر اسکول میں ویڈیو کانفرنس کی سہولت قائم کی جائے گی اور بچوں کو اس سہولت کے استعمال سے اپنی تعلیمی معیار کو بلند کرنے کا موقع فراہم کرایا جائے گا۔ اس موقع پر وزیر اعلیٰ ایچ ڈی کمار سوامی نے کہاکہ ریاستی حکومت اس بات کے لئے کوشاں ہے کہ سرکاری اسکولوں میں زیر تعلیم سبھی بچوں کو ایسی سہولتیں فراہم کی جائیں جو کسی بھی اعلیٰ معیاری نجی اسکول میں دستیاب ہوں۔تاکہ تعلیمی میدان میں سرکاری اسکولوں میں زیر تعلیم بچے کسی سے کم نہ رہیں۔ انہوں نے کہاکہ اگلے سال سے غریب خاندانوں سے داخل ہونے والے بچوں کے معیار تعلیم کو بلند کرنے اور انہیں تعلیمی سہولتوں میں کسی بھی طرح کی کمی نہ ہو اس بات کو یقینی بنانے کے لئے تمام ضروری قدم اٹھائے جائیں گے۔ وزیراعلیٰ نے کہاکہ بی بی ایم پی کے اسکولوں میں صرف تعلیم دینا کافی نہیں بلکہ یہاں زیر تعلیم بچوں کو ہنر مندی کی تربیت سے آراستہ کرنا بھی ضروری ہے۔ انہوں نے کہاکہ سابق صدر ہند ڈاکٹر اے پی جے عبدالکلام مرحوم بھارت رتنا ، سی این آر راؤ وغیرہ بھی سرکاری اسکولوں کی ہی دین ہیں۔ ان لوگوں نے اپنی سائنسی تحقیق وترویج کے ذریعے ساری دنیا میں ملک کا نام روشن کیا ہے۔ انہوں نے کہاکہ ہر بچے میں ایک منفرد صلاحیت ہوتی ہے ضرورت اس بات کی ہے کہ اس کو پہچان کر اسے اس سمت میں آگے بڑھنے کا موقع فراہم کیا جائے ۔اسی مقصد کے تحت بی بی ایم پی کے اسکولوں میں روشنی پراجکٹ شروع کیا جارہا ہے۔ انہوں نے کہاکہ ایسے بھی واقعات گزرے ہیں جہاں بہتر تعلیم کی آس میں غریب والدین نے اپنے بچوں کو عمدہ اسکولوں میں داخل تو کروادیتے ہیں لیکن اس اسکول کے جوتے خریدنے کی حیثیت بھی نہ ہونے کے سبب بچوں نے خود کشی کرلی ہے۔ ایسے واقعات غریب خاندانوں میں کبھی رونما نہ ہوں اس کے لئے سرکاری اسکولوں کے اساتذہ کو ایسی تربیت سے آراستہ کیا جائے گا کہ وہ نجی اسکولوں سے بہتر تعلیم دے سکیں، اگر اساتذہ اپنی ذمہ داری سے دامن بچائیں گے تو اس کے لئے انہیں بھاری قیمت ادا کرنی پڑے گی۔ وزیراعلیٰ نے کہاکہ تعلیم مکمل کرنے کے بعد بھی اعداد وشمار یہ بتاتے ہیں کہ صرف 30فیصد لوگوں کو روزگار مل پاتا ہے، اگر تمام کو ہنر مندی کی تربیت سے آراستہ کیا جائے تو اس اوسط کو کافی حد تک بڑھایا جاسکتا ہے، تعلیم مکمل کرتے ہی بچے اپنا خود روزگار شروع کرسکتے ہیں۔ وزیراعلیٰ نے اس موقع پر بچوں کو آواز دی کہ وہ ڈی ڈی روشنی کا بھرپور استعمال کریں ۔ خیر مقدمی خطاب میں بی بی ایم پی کمشنر منجوناتھ پرساد نے اس پراجکٹ کی جھلکیوں پر روشنی ڈالی اور کہاکہ بنگلور دور درشن کی سے روزانہ صبح چھ سے دس بجے تک اور شام میں پانچ سے دس بجے تک ڈی ڈی روشنی چینل پر ان کلاسوں کا اہتمام کیا جائے گا۔ انہوں نے کہاکہ اس پراجکٹ پر سالانہ سو کروڑ روپے صرف کئے جائیں گے، پانچ سال میں پانچ سو کروڑ روپے خرچ کرنے کا منصوبہ ہے ۔تقریب کی صدارت رکن اسمبلی جناب روشن بیگ نے کی۔ بی بی ایم پی اپوزیشن لیڈر پدمانابھا ریڈی ، کارپوریٹر وسنت کمار، لتا ، دوردرشن انڈیا کی ڈائرکٹر جنرل سپریا ساہو ، ڈپٹی ڈائرکٹر جنرل اپادھیائے اور دیگر موجود تھے۔

ایک نظر اس پر بھی

بنگلور میں ائرو انڈیا شو کے دوران پارکنگ احاطہ میں اچانک آگ؛ قابو پانے تک سوسے زائد سواریاں جل کر خاکستر

ائیرو انڈیا شوکے چوتھے دن بنگلور کے یلہنکا ائرفورس اسٹیشن کے پارکنگ والی جگہ پر اچانک آگ لگنے سے  150 سے زائد سواریاں شعلہ پوش ہونے کی اطلاع موصول ہوئی ہے۔ آگ لگنے کی یہ واردات آج سنیچر صبح پیش آئی۔

اکرم پاشاہ ہاسن ضلع کے نئے ڈپٹی کمشنر

ہاسن ضلع کے نئے ڈپٹی کمشنر اکرم پاشاہ آئی اے ایس نے آج عہدہ کا جائزہ لے لیا ۔ 2012ء میں آئی اے ایس افسر کی حیثیت سے ترقی پانے والے اکرم پاشاہ اس سے پہلے ساڑھے پانچ سال مائنارٹی ڈائرکٹوریٹ میں ڈائرکٹرکی حیثیت سے بہترین خدمات انجام دے چکے ہیں ۔

مرکزی ریلوے وزیر پیوش گوئل کی موجودگی میں کمار سوامی نے سب اربن ریلوے کو منظوری دی

وزیر اعلیٰ ایچ ڈی کمار سوامی آج اپنے رہائشی دفتر کرشنا میں مرکزی وزیر برائے ریلوے و کوئلہ پیوش گوئل سے ملاقات کی ریاست میں کوئلہ ( ایندھن)کی فراہمی اور سب اربن ریلوے منصوبہ کے سلسلہ میں تبادلہ خیال کیا ۔

وقف بورڈ انتخابات : اب تک ماڈل بیلیٹ پیپر جاری نہ کرنے پرامیدوار برہم،الیکٹرول میں بوگس ووٹروں کو شامل کرنے کاالزام

کرناٹک اسٹیٹ وقف بورڈ کے 2مارچ کو ہونے والے انتخابات کیلئے ماڈ ل بیلٹ پیپر آج تیار کئے جانے کی اطلاع ملی ہے ، جبکہ یہ ماڈل بیلٹ پیپر 18فروری کو ہی تیار کیا جانا تھا، بروقت ماڈل بیلٹ پیپر نہ ملنے سے بیزار امیدوارانتخابی مہم چلانے دوروں پر نکل چکے ہیں۔

بی بی ایم پی میں چہرہ شناس بائیو میٹرک نظام ضروری گنڈنا کا مطالبہ۔افسران اور ملازمین کی جانب سے لاپروائی کئے جانے کا الزام

رواں سال کے بروہت بنگلورو مہانگر پالیکے( بی بی ایم پی) بجٹ میں کئے گئے اعلان کے مطابق چہرہ پر کھنے والے بائیو میٹرک نظام لازمی طورپر جاری کئے جانے سے ہی بہتر انتظامیہ ممکن ہے۔