آخر کار ہوگئی انڈر ورلڈ ڈاؤن داؤد ابراہیم کے املاک کی نیلامی
ممبئی، 14؍نومبر ( ایس او نیوز؍آئی این ایس انڈیا ) ایس بی ٹی ٹرسٹ نے داؤد ابراہیم کے ممبئی میں واقع جائیداد کی نیلامی کے تین اثاثوں کو خریدا ہے۔ دستیاب معلومات کے مطابق تینوں املاک 11 کروڑ میں نیلام ہوئی ہے اگرچہ اس کی قیمت کی ابھی تک مکمل طور پر تصدیق نہیں کی جا سکتی ہے۔ اس سے قبل بھی کئی بار داؤد ابراہیم کے املاک کی نیلامی کی خبر شائع ہوئی تھی ؛ لیکن یہ محض خبروں کی زینت بن کر رہ گئی تھی ۔ جن لوگوں نے اس سے قبل نیلامی کی بولی میں حصہ لیا تھا وہ بولی لگائی رقم کی ادائیگی میں قاصر رہے تھے ، تاہم میڈیا میں اس کا چرچا ضرور ہوا اور عوامی طور پر نیلامی کی بولی لگانے والوں کو شہرت ضرور ملی ۔