نئی دہلی12اگست(ایس او نیوز؍آئی این ایس انڈیا)خصوصی مفروراقتصادی جرائم قانون کے تحت عدالت نے دو ارب امریکی ڈالر کے بینک اسکینڈل کے اہم ملزم مفرور ڈائمنڈکاروباری نیرومودی کی بہن اور بھائی کو آج عوامی سمن جاری کرکے انہیں 25ستمبر کو پیش ہونے کے لیے کہا ہے۔اس میں کہا گیا ہے کہ اگر وہ عدالت کے سامنے پیش نہیں ہوئے تو ان کی جائیداد نئے قانون کے تحت ضبط کر لی جائے گی۔ایم ایس اعظمی کی عدالت نے معروف اخبارات میں نیرو مودی کی بہن پوروی مودی اور بھائی نشال مودی کے نام تین عوامی نوٹس جاری کیے ہیں کیوں کہ نئے نئے قانون کے تحت ایک درخواست میں انہیں مطلوب افراد میں شمار کیاگیاہے۔ای ڈی نے دونوں پر منی لانڈرنگ میں ملوث ہونے اور اسکینڈل کے سامنے آنے سے پہلے ہی بھارت سے فرارہو جانے کے الزام لگائے ہیں۔پوروی اور نشال کے خلاف نوٹس میں ان سے یہ بتانے کے لیے کہا گیا ہے کہ کیوں نہ درخواست میں بیان جائیدادکو مندرجہ بالا آرڈیننس کے تحت ضبط کیاجائے۔عدالت نے دونوں کو 25ستمبر کو صبح 11بجے عدالت کے سامنے پیش ہونے کو کہا ہے۔اسی تاریخ کو نیرومودی کو بھی پیش ہونے کے لیے کہا گیا ہے۔نواسیلیسس مودی کے خلاف تیسرے عوامی نوٹس میں اسے اسی دن اور اسی وقت عدالت میں پیش ہونے کے لیے کہاگیاہے۔اس میں کہاگیاہے کہ جیسا کہ آپ ملک چھوڑ کر بھاگ گئے ہو اور معاملے کی سماعت کے لیے آنے سے انکار کر رہے ہو تو اس حالت میں تمہیں مندرجہ بالا آرڈیننس کے تحت مفرور قرار دیا جاناچاہیے۔